Dec 18 – TAIBANGDA INGTHABA OISANU!

“Wangthoibada Iswargi matik mangal oisanu,taibanga Mahakki apenba oiriba misinggi mathakta ingthaba!” (Luke 2:14).

Mina ingthaba khourangba asi   Christmas matam khakta nate adubu chahi chuppa ingthaba adu khouranglibani. Mi khudingmakna ingthaba pambani aduna kananasu lan haibasi pamde.

Prithibigi anisuba lanjao  hek loibada taibangda ingthaba puraknaba   United Nations  haibasi lingkhatkhibani. Misingna ingthaba phangnaba sen mayam tinglaga lei. Makhoina “ingthaba amasung asoi angam leitre” haiba matamda ikhang khanghoudana mirollibi nupi amana angang  unnaramdaida naoyeklakpagum mang takpa adu makhoigi mathakta lakkani, aduga makhoina madudagi nanthokloi. (1 Thessalonians 5:3).

Jesuna taibangda asoi angam sing mutthatuna ingthaba puraknaba lakkhibani. Mahakna ithak iraokhonbu cheiduna ingthana thamba ngammi aduga mahakna imung amadi jati apumbabu ingthaba pibiba ngammi.  Prabhu Jesuna nonglei nungshit amadi samudrabu cheiduna tapthou haikhi. Aduga makhoi adu tapthakhi. (Mark 4:39).

Mahak ingthaba gi jubraj amadi mapuni. (Isaiah 9:6).  Mahak ingthaba sembiba mapuni.(Micah 5:5). Changkhonba ingthaba haibasi mangondagi lakpani. Jesuna hai, “ eina ingthaba pibibani, eigi ingthaba pibibani, taibangna piba gumba nate. Nakhoigi thamoida langtaknaganu,aduga kisu kiganu.” (John 14:27).

Mioibagi ingthaba asi papna manghanbani. Pap amadi ayol aransingna mioibabu Iswargi nungshibadagi khaidokpani. Aduga mahakki punshida phattaba amadi yeknbabu  pusinbikhi.

“phattaba mi gi damakta ingthaba leite haina eigi Iswarna haikhi.” (Isaiah 57:21).  Jesuna masabu papki usin oinaba Crossta katthokkhi. Abubu eikhoigi langjabagi damak mahakpu sok hankhi, eikhoigi ayol arangi damak mahak pop hankhi, eikhoina ingthaba phangnabagi damak chumthokpiba adu mahakki mathakta takhi, aduga mahakki cheiphamna eikhoibu phahankhi.” (Isaiah 53:5).  “aduga mahakki crosski eegi mapanna ingthaba puraktuna sargada natraga malemda leiba pumnamak mahakki mapanna mangonda        taisinnahanba asisuni.” (Colossians 1:20).

Mahakna pibiba ingthaba adu lomba naidana changkhonbani. Aduga maduna nahakki thawaida haraoba purakpani. Prabhuna nangonda pibiba ingthaba asi cheksinna ngaksenbiyu. Masigi ingthaba adu phangnaba mamal leiba makhei pinaba hotnou. Nangonda gi akhaba khudingmak louthok u,aduga nahakna taisinnabada mathou taba mi khu dingmakka chamthoknou.  “ phattaba dagi lapthoktuna aphaba thiyu,ingthaba thiyu aduga madu phangnaba tallu” (Psalm 34:14).

Iswargi machasing,nahakki thamoida Iswargi oiba ingthaba adu leisanu. Madugumlaba ingthaba adu leitrabadi Satanna nahakki thamoi adu thangani. Adubu nahakki thamoida Iswargi nungshibana thallabadi Iswarga ingthana leiba ngamgani, maduna khangba khudingmaktagi hendokpani. Aduga khangba pumnamaktagi hendoklaba Isordagi lakpa ingthaba aduna nakhoigi thamoi amasung pukningbu Christa Jesuda ngaksenduna thambigani.” (Philippians 4:7).

Dhyan tougadaba: “phatabadagi chatthoktuna aphaba tou u,ingthaba thiyu aduga madu phangnaba hotnasanu.” (1 Peter 3:11).