Dec 17 – ISWARDA MATIK MANGAL OISANU!

“aduga khanghoudana   sargagi kangbu mayamna sargadut aduga loinana Isorbu thagattuna hairak I, khwaidagi henna wangbada Isorgi matik magun thagatpa, taibangpanda ma hakki apenba oiriba misinggi mathakta ingthaba!” (Luke 2:13-14).

Eikhoina December tha hek youbada eikhoina Christmas ki maramda wakhal touba hou i. tha  hourakpada Churchki esei sakpa kangbuna yum yumda chattuna Christamas carols sakkani, aduga Bibel paduna haijaduna Iswargi matik mangal phongdokkani. Ngasigi verse asida  Kanbiba mapu pokkani haiba hek laothokpa matungda swargadutsingna esei sakpa adu uba phangi

Biblegi manungda swargadutsingna esei saktuna jagoi saraga Iswargi matik mangal phongdokpa asi matam ahumda uba phangi

1.Prabhuna prithibigi yumpham thonbada: “Ayukki thawanmichaksingna punna esei sakpada, aduga Isorgi machanipa pumnamakna haraona laobada?” (Job 38:7).

2.Eikhoigi Kanbiba mapu  Prabhu Jesuna taibangmibu kanbinaba pokpiba matamda: aduga khanghoudana   sargagi kangbu mayamna sargadut aduga loinana Isorbu thagattuna hairak I, khwaidagi henna wangbada Isorgi matik magun thagatpa, taibangpanda ma hakki apenba oiriba misinggi mathakta ingthaba!” (Luke 2:13-14).

3.Pappisingna   pukning hongduna Iswarda lakpa matamda (Luke 15:7).

Swargadutsinggi esei aduda saruk ahum leiribani. Ahanbada, “ Iswarda matik mangal oisanu”.swargada leiriba Iswartana matik mangal amadi ikaikhumnaba phangbada matik chabani. Mina Iswarbu ikaikhumnagadabani , aduga masi Iswarna pambani.

Prabhuna  hairi, “eigi itik ingal asi mi atoppada pithokloi. (Isaiah 48:1) eihak  Prabhuni , madu eigi mingni, aduga eigi matik mangal asi atoppa kanadasu pithokloi. Aduaduga eigi thagatpa asisu murtida pithokloi. (Isaiah 42:8)aduna ningthou Davidna Iswarda yengduna asumna hairammi, “Prabhu nangonda matik mangal, panggal lan ngamba haibasini leibani. Aduga khudingmaktagi nahakna wangthoirabani.” (1 Chronicles 29:11).

Iswarbu thagatliba amadi ikaikhumnaba misinggi marakta Iswar yaoribani. Thagatpa maphamda Iswarna leibasi Mahakki apenbani. Solomonna ningnasang sagatpa loibada Iswarbu thagattuna ikaikhumnaba utpada Iswarna lengtharakkhi. Iswargi loinabiba aduna laktuna Solomon amadi  Israel machasingga warepnaba semkhi. Herodna Iswarbu ikaikhumnaba toudaduna matikmangal pidaba matamda kari thokke, Mahakna mabu yeithuraba hattokkhi. (Acts 12:23).

Iswargi machasing, nahakki punshi da apik pirabasu achouba oirabasu thabak khudingda Iswargi matik mangal phongdok u. Iswargi matik mangal phongdoknaba achumba punshi hingu.

Dhyan tougadaba: “swargada Iswargi matik mangal phongdokli,aduga atiya nongdolna Mahakki khutki thabak phongdokli.” (Psalm 19:1).