Dec 17 – HOBI HOSHIYAAR!

Revelation 16:15 “thakibi, Ami ahi ase ekta chor nishina. Ashirbaad ase tai jun sai aru bachai tai laga kapra khan ke nahoile tai berabo lengta aru tai khan dikhi pabo tai laag sorom ke”.

Kapra tu bishi zaroori ase kun manu karone hoilebi. Tate ase ekta kotha ji te koi, ‘ekta manu bonai khali adha tai laga chritra ke; aru tai laga kapra khan milai adha ke’. Jun khan kaam kore corporate office kahn  te, lagabo lage kapra khan jun te dikhai tai khan laga podh ke organization ke. Kunuba company khan thake uniform tai khan laga cadre te. Army khan bi thake khas uniform.

Isor proa dishe adesh Israelites khanke kapra nimite. Uddharan te, “ekta maiki pora npindhibo lage juntu mota nishina dikhe, nahoilebi ekta mota pora napindhibo lage maiki laga kapra ke , kintu jun pora itu kore mon bikhai Isor apuni laga pormeshwar ke” (Deuteronomy 22:5). Isor pora dishe khas niom khan ke kapra lagai diya te  pondit khan laga seva kori thaka maujudgi te Isor laga (Exodus 31:10-11).

Utu homoi te nirmaan laga, isor pora dishe kapra ke mahima laga Adam ke. Hoilebi jitya tai korishe paap ke, satan khuli dishe Adam ke utu mahima pora. Itu kaorne, Adama ru Eve ke paishe lengta,a ru kapra lagaishe dimoru gash laga. Isor pora saishe tai khan laga biya stithi ke,a ru bonaishe kapra ke chamra laga aru lagai dishe taikhan ke.

Aji Isor kapra lagai ase apuni ke kapra paritran laga;a ru kapra dharmikta laga (Isaiah 61:10). Apuni khan thakibo pare utu  kapra ke paritran laga khali paap ke dhulai diya dwara(Luke 1:77). Pobitro kotha te koi, “judi ami khan swikaar kore amikhan laga paap khanke, Tai ase wafadar aru nyaya khemai koribole ami khan kea mi khan laga paap pora aru sapha koribole sob ahdharmikta pora” (1 John 1:9).

Isor Jisu pora kinishe kapra ke paritran laga ami khan karone, Tai laga kimti khun pora. “jani kene ki apuni ke bachai diyanai biya saman kahn logote, jinika chandi aru sona, apuni laga dish nathaka kaam pora pai kene niom apuni baba khan pora, hoilebi kimti khun Krista laga jinika memna iku dagi nathaki kene” (1 Peter 1:18-19). Isor aha te,ami khan ke dikhibo lage utu kapra khan pora paritran laga, nirnatar agh barhi kene ami khan laga pobitrota te, ki ami khan lok koribo paribo Tai ke.

Paritranlaga kapra logote, kapra dharmikta laga bi, Isor pora anugrah te dibo apuni ke kapra mahima laga. “tai pora pothaishe Ami ke dibole tai khan ke tel anondo laga mon dukh kora laga, kapra mahima laga atma bhari hoi thaka laga” (Isaiah 61:1,3).

Isor thake  mahima khan majete; aru tai proa dishe apuni ke kapra prashansha laga, ki apuni anondo koribole prashansha te Tai laga swarg rajyo te hodai hodai karone.

Isor laga bacha khan, hobi hoshiyar aru bachai apuni laga kapra ke prashansha laga. Itu karone khali rasta ase thakibole Tai laga ashirbaad.

Aji dhyan koribole laga pobitro kotha tu hoile Revelation 3:4 “apuni ke ase kom naam khan, jun khan moila nakore tai khan laga kapra khan ke;a ru tai khan berai Ami logote  boga te, kintu tai khan ase kimti”.