Dec 10 – THAJABAGI MIT!

Maramdi eikhoina houjik awaba khangliba asiga eikhoida phongdokpigadaba matik mangan aduga changdamnaba da matik chade haina eina khalli.” (Romans 8:18).

Eikhoina thajabagi mit asigi mapanan houjik houjikki amadi tungda lakkadaba adugi maramda yengba ngambani. Aduga thajbagi mapanna eikhoina tungda lakkadaba matik mangal adugi marmadasu uba ngambani.

Iswarna eikhoigi damakta leipham sembiba adugi maramda eikhoina wakhal touri. Mahakna eikhoigi damakta luhup mayam thambiba adugi maramda khanduna eikhoina asa chaona hingli. Eikhoina mahakki sanagi maithong uba matamda apenba mapung pharagani haina asa touri.

Eve aduna thajba gi mit leiramde adubu hakchanggi oiba mit khakta leirammi. Chaheidaba uhei adu chabada aphaba oigani kannagani haina apamba leirammi, aduga maduna mahakpu lousing wakhal pibigani haina khallammi

Mahakna thajbagi mit leiramlabadi madu chabada thokkadaba sarep mayam haibadi, awaba, tengthaba, Iswargi  asaoba adusing adu uba ngamlamgani, aduga mahakna charamloigadabani.

Esaunasu hakchanggi mit khakta leirammi aduna mahakna ngaihakki oiba chak lamba kok hanba ngamba chagempom adukhakta uba ngamlammi. Mahakna thajbagi mit leiramlabadi mahakki piba pham adu manghaloigadabani aduga lomba naidana mahakna mahakki pirang sintharoigadabani.

Adubu Abrahamna thajabagi mit leirammi. Maram aduna , “ thajbagi mapanna mahakna waleppibagi leibakta mireibakta leibagumna mahaka loinana waleppiba adumakki yumlepchara oiminnaba Isaac amsung Jacobka loinana phiyumsingda leirammi. Maramdi  Iswarna  semgatpa amasung sagatpa achetpa yumpham leiba sahar adubu mahakna ngaijarammi.” (Hebrews 11:9-10)

Prabhu Jesugi thajba gi mit adu yengbiyu. Mahakki damakta thambikhraba cross ki wangmada leiba lomba naidaba matik mangal adu uba ngamlammi.

Aduna mahakna awaba,ikaiba, anaba khudingmaktu kari oina khankhide,adubu mahakna Cross ki wangmada leiriba matik mangal adu yengkhirammi, aduga mahakna Cross ki awba adu akhang kanbaga loinana khanglami.

Sastrana hai, “ eikhoigi thajabagi ahouba amasung aroibagi mapu o;iriba Jesuda eikhoina yengjasi, mahakki mangda thambikhraba haraoba adugi damak Jesuna ikaiba adu thouoidana Cross adu khangjakhi, aduga Iswargi phambangi yet thanbada phamduna lei.” (Hebrews 12:2).

Iswargi machasing, nahakki mitki phibam adu karam touri. Taibangpangi pot khakta uba ngamba hakchanggi mit adukhakta leibra? Nattraga lomba naidaba matik mangal adubu uba ngamba thajabagi mit adu leibra? Nahakna thajabagi mit leirabadi taibangpangi oiba khakta thiroi adubu lomba naidaba potki maramda thigani. Iswargi ningthou phambalgi yetthangbada phamliba adugi maramda thigani.

*Dhyan tougadaba: “thajbagi mapanan mising asina ningthou leibaksing namthakhi, dharmchenbagi thabaksing toukhi, waleppasing phangkhi, nongsasinggi machin kathok hankhide, meirigi panggal mutthatkhi, thanggi mayadagi nanthokkhi, asonbadagi kanhankhi, landa thouna phaba o;ikhi, miramgi lanmisingbu handuna chenhankhi. Nupisingna makhoigi  asibasingbu amuk hanna hingna phangkhi. Ateising aduna thadokpibada yadaduna henna phaba hinggatpa phangnaba siba yhana otneiba khangkhi.” (Hebrews 11:33-35).*​