Dec 09 – JINIKA DIKHE BHAL!

2 Samuel 15:26 “yate ase Ami, hobole dibi Tai ke koribole jinika dikhe bhal Tai ke”.

Itu bakyansh ‘jinika dikhe bhal Tai ke’ pai bishi  jag ate Pobitro kotha te (Deuteronomy 6:19, Judges 10:15, 1 Samuel 3:18, 2 Samuel 15:26) te. Manu Isor laga dhale sob tai khan laga dharmikta ke theng te Isor laga; arpan kore baki ke Tai laga hath te; aru prathana kore koribole ki bhal ase Tai ke.

Isor laga hisab te ase pura alag manu pora. Manu sai chehra ke; hoilebi Isor sai mon te; gehrai te apuni dimag laga; aru sai apuni laga bhabna aru icha khan ke.

Kunuba saman khan dikhibo pare thik nazar te manu laga. Hoilebi Pobitro kotha pora hoshiyar koi ki, “tate ase ekta rasta juntu lage thik manu ke, hoilebi itu laga hekh ase mrityu” (Proverbs 14:12). Ekta kabi koishe ki ‘ji apuni dikhe apuni laga suku logote; aru ki apuni hune apuni laga kaan logote ase misa. Khali utu ji ase bhal pora bisara ase hosa”.

Apuni khan tulna koribo lage sob saman puhor te Pobitro kotha laga, aru sabo lage judi itu hobo thik nazar te Isor laga.

Apuni jane ki ase hekh laga salha Moses por Israelites khan ke diya? Itu ase, “apuni koribo age ki sahi ase aru bhal ase nazar te Isor laga” (Deuteronomy 6:18). Jitya apuni itu kore, Isor pora ulai dibo sob apuni laga dushman khan ke apuni laga age pora; aru itu bhal hobo apuni logote, toh apuni jabo paribo aru pabo sob bhal mati ke ji Isor pora pratigya dishe apuni laga baba khan ke.

Din khan te Judges laga, bacha khan Israel laga ghurishe koribole ki bhal thakishe nazar te Isor laga. “sob manu korishe ki sahi thakishe tai laga nijor suku te” (Judges 17:6). Aru hekh te tai khan korishe biya ke nazar te Isor laga, aru khong hobole dishe Isor ke (Judges 2:11, Judges 3:7). Hoi Isor laga hisab tu iman alag ase manu pora.

Lot pora chunishe Sodom aru Gomorrah ke ji thakishe bhal nazar te tai laga. Hoilebi tai jananai ki khong aru faisla Isor laga utu jaga khan te. Tai iman bhori kene thakishe bhabna pora khushi koribole utu jaga laga.

Hoilebi Abraham, saishe dhyan pora isor laga icha te; aru rukhishe dhoyjyo te Isor karone chunibole tai laga bhag ke.. itu karone kile Isor dishe Canaan : mati bahi thaka shehed aru duth pora, Abraham ke aru Tai laga chela khan ke. Hoilebi Tai khotom korishe Sodom aru Gogo ke.

Isor laga bacha khan hodai koribi ki ase bhal nazar te isor laga.

Aji dhyan koribole laga pobitro kotha tu hoile Ecclesiastes 2:26 “kintu Isor  dishe  buddhi ke aru gyan aru anondo ke manu ke jun ase bhal Tai laga nazar te”.