Dec 08 – YEKNABADAGI HENNA CHAOBA!

“Prabhuna  nanggi damakta lan soknabigani, aduga nahak kiganu,ingthana leiyu.” (Exodus 14:14).

Prabhu asi nahakki yeknaba khudingmaktagi henna chaobani. Mahak nahakki lanphamda gi henna chabaoni. Nahakki mahut sinduna Mahakna lan soknabi aduga nahakpu lan ngamhanbani. Lan ama leiba matamda lamdam aduna landa heisingba mi amabu lan mi makok oina khandokkani. Mangonda lamdam adugi  thoudang adu pibigani.

Prithibibi gi lanjao anisubada England na Winston Churchill bu Prime Minister oina khandokkhi. England ki misingna mahak Ironman gumna lamdam adugi damakta lan ngamba adu purakkani haiba thajarammi. Aduga mahak adugi damakta maipakpa amasu oirakkhi. England amadi mahakki loinaba lamsingna achouba joy oiba phanglammi.

Israel gi lam sagatpa matamda akoibada leiramba lam singna mahaki maiyokta lan soknarammi. Arabki lam khudingna Egyptki makhada punsinduna Israel gi maiyokta lan soknarammi. Aduga  Israelgi lamna Military General oina Moshe Dayan adu khandokkhi. Iswargi lousinggi mapanna amadi mahakki langi maramda khujil thourang heibagi mapanna yeknabasingbu lamdagi tanthokpa ngamkhi. Numit taretni khakta chattharamba lan aduda Israel machasingna lan ngamba khakta natana yeknabasinggi lam su louba ngamkhi.

Ngasisu lam kayana nahakki maiyokta lan soknaduna leiribani. Phattaba adugi khujil thourang adu dagi nahakna leppa ngamgadabani,aduga  atiyada leiriba phattabagi mayam adugi maiyokta lan soknagadabani. Eikhoigi hakchang asida mitna uba yadaba apaiba mayam asina lan tou duna leiribani. Masigi phibam asida nahakki lan mi makok oinaba nahakna kanabu khangadabano?

Matam aduda Mosesna Iswarbu mahakki lanmi makok oina khankhi. Red  SEAgi torbanda Israel machasingna leiraga Egyptki lanmisingna tannarakpada makhoi yamna kirammi. Mosesna makhoibu thougattuna Iswarna makhoigi damakta lan soknabigani haikhi. Madugi waheisingdagi Israel machasingdu yamna thougatpa phangkhi.  Makhoi makha tana kidre. Makhoi thouna yamna hellakkhi. Aduga makhoina thajakhiba adugi matung inna Iswarna makhoigi damakta lan  soknabikhi. Pharaoh amadi mahakki lan mi singbu Red Seagi manungda lupkhre. Aduga makhoi luptuna loina sikhre. Israel machasinggi damakta Iswarna lan ngamba adu pubirakkhi.

Iswargi machasing, lan ngambagi Prabhu aduna nahakpusu loinabi. Mahakna nahakki damakta lan mi makok aduni. aduna nahakna mangonda thajabagi mapanna ngajaduna leiyu.

Dhyan tougadaba: “lanmi tenggol gi mapu adu eikhoiga loinari. Jacobki Iswar adu eikhoigi changjaphamni. Selah” (Psalm 46:11).