Dec 04 – Ruangban Teredmadnaba!

“Gulji minhuman takkudlen a tiki hen, Nebakadnejar, ruangban teredmadlen gijgijlai” (Daniel 4:34).

Bo surda Kitungan anabsitta Ajanardin na. Angante janardin abmele galamtabe, bagu bernan gadlamte: Janardin beran do Kristun a Janardin.  M’odan a jurdin ambrij, kan bagu a janardin, abpunggete mandran amangba.

Anlen bibolan a d’ong Marid kamb’ol gamtabe, Kuddub bernanji bibol-lingan marid do janardina. Mandrengnan apsele (Aparamangtan 11:4).Ranan saring ateng sanaisai, awr sanaisai ranan saring; adangan saring ateng ragaldam do adangs’ingan saring. Kuddub Kitungan a janzbjzbanji tordong ayam apsele dakute. Ruangan do ordaran s’ite, bindo a bernan agaja abs’ide. Bibol-lingan, gadlamlangte atanakudan sikkoija amben ampara dakutenai.

Etegoi kan ambrij bernan daku do atalj’ingan a lippan do tagoran a tanaharanji appaitai. Buten buten bibolan atanahar-ling hatenji, aninji agaja adgalueji orde aninji agaja adayergudneji (Daniel 4:30). Iten asan gamlenden Kitungan a bernan asan, janardinba urungbenten do sarrin abmebenten. Angante Kitungle Jisun garberle a hangnamaranji apsele, Anin Kitungan ajanardin batte a d’onganji abmarid asan gadlamle. “Janardin-Nam batte aninji a d’ong abmaridaji. Berna-Nam janardin na daku. Kitungan a bernan maridam do madirdam do abmaridtabenji. Manarid-lingan marantaben do amben Kitungan abernaling adaludten

Kitungan abernan janang kuddub tanolbadanji anuran dete. Jisun gameten: “Bar amben janardin a galamte, do janardin aburnataben”. Kan abmele agalamben yan anabsittan, Kitungan aberna janang dongrable do rabenten?

Bindo Anin asan amben Jisu Kristu lingan a dakuten. Kitungan Kristun a d’ong banuddi-len, ranoitad-len; gamle abmeeten (Daniel 4:34). Anin amang lingan manaridan delabe.

Anin batte tanandzn delabe. A janardin batte kuddub danukkanji do anabkalkalanji saring (Jakub 4:10). Dongrablangten, Jisu Kristun dongrabmarlen (Bangsa Hanang 18:12).Tanahimdam Kitungan a onagji, Do anin tiyle bo surda labon a d’onganji. Itjaja lebun erjanglingbe kun sarebasingan abmele. Anten asan, amben abantongbented orde asarmoibented, Jisu Kristu lingan a dakuten.

Okiy Kinolbe absele: “Bangsa! Dele janang er dernan asan aninji ranapadan deleji, do an’mn dernanr batte tanang‘te, anten asan lzngdongne, bindo bantonga” (Romi 11:20).