Dec 03 – MITTA TEINABA MOLOM !

“ aduga nahakna unaba nahakki mitta teinaba molom teiyu (Revelation 3:18).

Sagolsingna chenba matamda atoppa potsingdagi ayetpa oidanaba amadi manglomda chumdring yengba yanaba mamit asida Blinders natraga Blinkers asi hapnabani. Madu sa undagi  semba pot amani. Madugumba hapliba sagol aduna tungmang koi yeng yengba touraroi adubu mapuna chenhanningba mapham aduna chumdring ayetpa karisu leitana chengani..

Nahakki mit amadi nahakki ubagi sakti adugi maramda nahakna cheksingadabani. Sastrana hai, “ adubu nahakki mit phatrabadi, nahakki hakchang apumba amambana thangani. Maram aduna nangonda leiba mangan adu mamlbadi ,madugi amamba adu kayada mamkhraba!!” (Matthew 6:23).

Laodicean gi church singlup adu mittangba oibana maram oiduna madugi church apumbadusu amambada leirammi. Aduna makhoigi mitta teina molom teigadabani adu oirabadi makhoina ugani haina Prabhuna hairammi.

Hakchanggi kayatta kok asina khwaidagi maru oiba aduni. aduga koktagi mit asina khwaidagi maru oibani. Mi ayambagi mitta napan amadi khangdaba asi lei,makhoina misingbu mamal leitaba oina ui. Atoppa kharana apamba apaibaga loinana yengli. Adgua atoppana asaobaga loinana yengli. Kanagumba misingna magnetic gumba mit pallia duga misinggi damak lang thakli. Aduga kharagi mitta kallakpa lei. Iswargi machasing, nahakki asengba oina thama asi maru oibani.

Eikhoigi punshida  awaba kaya asi aranba mityengna maram oiraga thokpani. Esauna Jacobki angangba chagembom adu yenglammi. Aduga mahakna mahakki ahan oibagi hak adu manghallammi. Achan aduna Babylongi phi, sana adu yenglubagi maramda mahak nungda thaduna sikhi. Gehazina lupagi sen mayam amadi phi sing adu kallakpagi maramna mahak mapunshi chuppa kusti thungba ama oire. Davidna mahakki yumthakta koichat chatlingeida atoppa nipa amagi nupi adubu pambagi maramna mahak papta takhre

Laina khrana mit asi sokkani. Kanagumba mi amana jaundice ta narabadi mahakki akoibada leiriba khudingmaktu yellow oina ugani.  Class room amada anang amana mitki anaba leirabadi madu atoppa dasu sandokpa ngammi. Aduga madugi angang adu doctor da purabadi doctor na mahakki damakta mitta teinaba eye-drops pibirakkani.

Sagolna koiyeng yengdanaba mahakki mamitta blinders happibaniu aduga mitna mayek sengna uba ngamnaba mitki molom teibibani. Maduna mitta anaba phahalli.

Prabhu Jesuna leibakta matin sittuna leikhom semduna mittangba nipa amagi mamitta teibiduna phahanbikhi.  (John 9:6).  Madu Prabhuna hidak oina sijinnabikhi. Hoi, Prabhuna mittangba nipa adugi mamit adu hangdokpibani,aduga mahakna nahakki pukninggi mit adusu nganha bani. Aduga nahakki pukning gi mit adusu nganhanbani. Iswargi machasing, Prabhuna nahakki mitki damakta teinaba molom leibani.

*Dhyan tougadaba: “ eigi mitna ahinggi yuthaksingda miseng khangjei, eina nahakki wada dhyan toujanaba.” (Psalm 119:148).*​