Dec 01 – SAAL KHAN JUN HARAISHE!

Psalm 90:15 “bonabi ami khan ke khushi hisab te din khan laga jote Apuni ami khan ke dukh dishe, saal khan jote ami khan dikhishe biya ke”.

Itu khali dangor daya por Iosr laga ki ami khan ghusishe notun saal te. Isor jun pora loijaishe ami khan ke Tai laga anugrah pora, nirantar loi jabo apuni ke morom aru day ate. Ami laga morom subhessa notun saal laga sob jon ke.

Ami khan jabole thakishe pare din khan te dukh laga, aru din khan te biya laga. Hoilebi utu din khan apuni laga picha nakoribo lage notun saal te. Isor pora bonabo apuni ke khushi duiguna ashirbaad logote, hisab te sob kanda laga anubhav lgoote poila saal te.

Kile apuni jaishe din khan te dukh laga aru biya din khan te atith te? Pobitro kotha te koi, ki Tai apuni ke nomro koribole aru ki Tai apuni ke porikha lobule, koribole bhal hekh te (Deuteronomy 8:16). Hoi, Isor ke ase yojna apuni karone- yojna apuni laga labh nimite aru bonabole apuni ke khushi notun saal te. Isor pora koi, ‘Ami chuna khan lamba anondo koribo kaam khan ke tai khan hath laga”. (Isaiah 65:22).

David ke chunishe Isor pora; aru abhishekh korishe Nabi Samuel pora. Hoilebi tai bi jabole lagishe bishi dukh pora aru porikha khanpora tai laga jibon te. Saul pora  bisari thakishe taike nirantar shikaar nishina, aru khedaishe tai ke pahar aru gufa khan te. Kile Isor pora izajat dishe inika porikha khan ke jibon te David laga? Isor pora izajat dishe inika porikha aru dukh khan karone, kid avid khara koribole ekta dangor raja hoi kene pichete; aru uthai dishe ekta mahaan nabi hoi kene isor laga.

Aru thik homoi te, sob porikha khan aru dukh khan ahishe hekh te; tate thakishe hekh pura homoi te dukhlaga aru pura biya din khan te. Isor pora bonaishe tai ke khushi aru David ke abhishekh  korishe Raja pura Israel laga. Mani kene hekh ke David laga Pobitro kotha te ke, “Tai morishe bhal bura umor te, pura din khan te aru dhon aru sonman khan”. (1 Chronicles 29:28).

Sob dukh khan aru porikha khan juntu apuni samna kore, loi jai apuni ke ashirbaad te. Dukh aru bhuga khan khali thake olop deri karone (1 Peter 1:6, 5:10). Hoilebi napahoribi dangor khushi ke, anondo ke aru ashirbaad ke paar kori kene utu dukh ke.

Bacha khan Isor laga, apuni jabo pare dukh khan pora pura apuni laga age saal te, kile koile apuni laga mota pora; apuni hobo pare bhagoria mon kilekoile bishi dangor gusa pora bi apuni khilaf te. Hoilebi itu notn saal te, Iso rpora bodli kori dibo sob ke; tai pora dubara dibo duiguna ashirbaad ke aru khushi koribo apuni laga monke. Din khan biya laga, aru din khan dukh laga ahishe hekh te.

Aji dhyan koribole laga pobitro ktoha tu hoile Psalm 90:17 “aru hobole dibi sundarta ke Isor laga ami khan Pormeshwar laga ami khan uporte, aru khara korabi kaam khan ke ami khan karone; hoile khara korabi kaam khan kea mi khan hath khan laga”.