Dec 02 – NAHAKNA UBA YANABA!

“Maram aduna nahak inak khunnaba, eingondagi meida sengdoklaba sana leinaba eina nahakpu paotak piri. Masi nahakna angouba phijon setnanaba amasung nahakki phi settabagi ikaiba adu phongdoktanabani, aduga nahakna unaba nahakki mitta teinaba molom teiyu.” (Revelation 3:18).

Iswarna Churches mayamda warning pirammi, Iswarna aroibada warning piba church adu Laodicea gi church oirammi, Iswarna makhoida warning su pirammi aduga loinana paotaksu pirammi. Madu       eikhoina Revelation gi lairikta uba phangi.

Prabhugi mit aduna Laodiceagi churchki thawai romda karamba phibamda leibage haibadu khangi. Aduga mahakna hairammi, “nahakna hai, “ ei inak khulli, eigi lanthum lei aduga eigi watpa karisu leite. Adubu nahakti laibak thiraba, awabada       taraba, lairaba, mit tanglaba, phio setningnai leitabani haiba nahakna khangde. (Revelation 3:17). Makhoi adu mittangbani haibasigi karigino??

Sastrana hai, ‘ Iswargi sak ong oiriba Christagi matik mangangi aphaba  wapaogi mangan adu amkhoina uba ngamdanaba jug asigi laina thajadabasinggi pukningbu mamit tanghalle” (2 Corinthians 4:4)

Jesuna taibangda thougan touba matam aduda leiramaba Phariseessing, Sadducesssing amadi Scribes sing adu dharmagi  luchingbasing oirabasu makhoigi thawaigi punshidadi mittangba oirammi. Prabhuna makhoibu yengduna mittangba luchingbasa haina koubirammi. (Matthew 23:16).  Mittangba nipa amana atoppa mida karamna lambi takkani. Laodicea gi church adu yamna nganna ngannaba light house ama oina koubibani. Adubu yamna tonna hingduna mittangba phibamda leirammi.

mittang nipa kharana makhoigi makhutta samu adu thengnaduna samu adu karamba sa oibage haibagi  wari adu nahakna tarambasu yai.  samu asi karamba sano haina mi amana hangba matamda samu gi makhong pairuba mittang nipa aduna samu asi pillara gumbani hairakkhi. Mameida thengba nipa aduna samu asi thouri gumbani hai. Samugi mana pairuba mittabang aduna samu asi humaigumbani hai.

Aduga marisuba nipa aduna samugi naton pairuba nipa aduna samu asidi cheisu achoubagumbani hai. Masigi phibam asi thawaida mittangbasinggi phibamni. Makhoigi pukning adu mamsillaktuna, makho;igi thammoi kanba amasung makhoina khangdaba maramna Iswarna piba hingba adudagi tonganhalle.  ” (Ephesians 4:18).

Matam amada Sadhu Sundar Sing aduna chingthakta leiba surung amagi manungda sadhu ama thengnarammi. Mahak mamit pallabasu ubadi ngamlamde,maramdi mahak aduna mangal asi pamdaduna surung manunggi amambada chahi sangna leiramkhre. Sadhu Sundar Singh na mahak adu paotak pibiduna mangalda puthokpa matamda mahak aduna numit ki mangal adu yengba ngamlamde. Maramdi mahakna amamba surung aduda leibana maram aduna mahakki mamit aduna adubagi sakti adu manglamkhre.

Leibak manungda leiba uchi makhal khra asi lei, makhoi aduna mamiti pallaga ubadi ngamde. Sijinnadaba mit sing asina ubagi sakti manglakkani.Iswargi machasing, nahakki thawaigi punshida mittangba oiroigadabani adubu Prabhugi damakta yamna ngangadabani.

Dhyan tougadaba: “adubu mahakki machin manaobu yengthiba mahak adu amambada leiri amasung amambada chatli, aduga mahak kaidaida chatlibano khangde, maramdi amambana mahakki mamit tanghalle.” (1 John 2:11).