Aug 31 – NAHAKNA POTTHAGADABANI!

“maramdi nakhoina potthagadabani…” (Daniel 12:13).

Eikhoigi Prabhuna eikhoida potthaba pibibani,aduga choktharaba singbu pukning themjinbibani. Maichou Daniel aduna yaman chahi sangna hinglammi. Kanagumba historian khrana haibagi matung inna mahakna chahi 92 amadi 97 phao hinglammi. Mahakki chahi ayamba adu Babylongi lamda lenkhi.

Mahakna miramda leiba tarabasu mahakna Prabhugi damakta yamna thouna phana amadi pukchel sengna hinglammi. Mahakna hanurabada Iswarna mahakki lengbanda pop pop tharaga pothanaba haibirammi.

Prabhuna thawaigi oiba angakpa mayam adu DAnielda utpirammi. Mahakna mahakpu aruba visions mayam pibirammi, aduga agnakpa phongdokpiba adusu pibirammi. Daneilgi lairik asi Old testamentki damaktadi Revelation lairik oiri. Daniel adu Iswargi matik leiba manai oirammi,mahak adu miramda semgat sagatpirambani. Mahakna Babylonda khwaidagi achouba pham paiba oirabasu Iswargi achouba manai ama adum oiduna laklammi.

Government ki offices maphamda kanagumba amana chahi sangna thabak surakpa matungda mahak adugi  retirement matamda pension pibigani. Adubu mahakki pensiongi sen adu mahakki thagi salary ga changdamnaba matamdadi yamna hanthagani. Aduga makhoina madugi piklaba sen adu makhoigi hanuthangda manage touba yamna awaba thengnei.

Adubu Prabhuna mahakki thougan touriba misingbu  ikaikhumnaba pibiani. Aduga makhoigi damakta matik mangal leiraba lanthum peisinbi, aduga makhoigi damakta manthaba naidaba luhupsu thambibani. Potthabagi wangmada makhoigi damakta matik mangal leiraba bor leiribani.

Iswarna  Daneilda hairammi, “ aduga nahakki oinadi aroiba phaoba nahakki lambida chatlu, maramdi nahak  potthajagani amasung numitsing adugi aroibada nahakki phangpham thokpa aduda lepkani”” (Daniel 12:13).

Masigi taibangpansida eikhoina Iswarbu nungshijaba asi natana atei chaoraba bor leite,mahakki thougan toubadagi ikaikhumnaba yaba atei leite. Hanuraba chai 97 suraba mi amabu  taibangna noknabibasu yai natraga mahakpu karamba matamda taibangdagi chatkhigani haina angakpa phaorambasu yai. mahakna narakpa matamdasu makhoina luna toubiningde. Adubu  Prabhu Jesunadi mahakki damakta hingliba misingbu yengbiduna pothanaba haibirammi. Aduna mahakna mahakki asengba misinggi damakta potthaba asi pibibani.

Sastrana hai, ‘ aduna Iswargi misinggi damakta potthaba mapham lei.  Maramdi Iswargi potthabada changkhraba mahak aduna Iswarna masagi thabaktagi potthakhibasumna , mahaksu masagi thabaktagi potthare.” (Hebrews 4:9-10). Iswargi machasing,masigi matam asi Iswargi thougan touba matam oiri. Nahakna Prabhugi damata touriba thabak khudingmak arembada taroi.

Dhyan tougadaba: “maram aduna mahakki potthabada changnabagi wasak adudi adum leiribanina, nakhoigi naraktagi kanagumbana potthabada changba adudagi sotthahouba yai haina eikhoi kijasi.” (Hebrews 4:1)