Aug 31 – ISRAELBU NGAKSENBIBA MAPU!

“yengu, Israelbu ngaksenbiba mapu aduna tumloi aduga uisu uiroi. ” (Psalm 121:4)

Psalm 121 asina Iswarna eikhoigi changjaphamni haibasi mayek sengna phongdokli. Masigi verse nipan manung asida Iswargi asi eikhoibu yengsinbiba mapu amadi eikhoigi ngaksenbiba mapuni haibasi taruklak phongdokli. Tarukki marakta ahumna houjik houjikki oina phanggadaba  wasakpa amadi ahumna tungda lakkdaba adugi damakta wasakpa aduni.

Prabhudi asengbamak eikhoigi Ngaksenba mapuni. Mahakna eikhoibu mahakki eegi lanban manungda lotpiri. Mahakna chekpalgi meigumna koisinbi aduga eikhoibu ngaksenbiri. Mahakna mahakki meigi thangsang adu tharaktuna ngaksenbi, aduga eikhoibu yengsinnaba dutsingbu tharakli.

Iswargi mi oiba Mosesna Iswargi ngaksenbiba adu yamna phajaraba visionda phongdoklammi. Umaibina atiyada  pairaktuna lumsinba matamda, yenbina machasingbu mathanungda kupsinbi. Aduga madugumna Iswarnasu eikhoibu ngaksenbi haibasi phongdokli. Sastrana hai, “ mahakna nahakpu mathanungda thamduna konsinbigani, aduga mathanungda nahakna changjapham lougani. Mahakki achumba adu nahakki damakta   chunggoi oigani. ” (Psalm 91:4).

Prabhuna mahakki lochapham amadi mahakki mami adu eikhoigi ngaksenba oina thamli. Psalmistna hai, “wangthoiraba  mapugi athuppa maphamda leiriba mahakna wangthoiraba mapugi mamida leigani. Eina Prabhugi maramda asumna haigani, “mahak eigi changjaphamni, aduga lanbanni, eina eigi Iswargi mahakki maphamda thajaba thamgani. asengbamak mahakna nahakpu langthakliba mapudagi nahakpu kanbigani. ” (Psalm 91:1-3).

Ngasigi taibangpangi mising asina akibada leire. Maikei khudingdagi akibana thalli. Makhoi khanghoudana narakkadra, phattaba thawaina otpirakkadra amadi makhoibu accident thengnagadra haina akibana thalle. Makhoibu thawairomda mama mapa leitabasingumna nungsathi. Aduga ngaksenbinaba pammi.

Adubu eikhoigu ngaksenbiduna yengsinbinaba eikhoigi lomba naidaba Ipa ama leiri. Mahakna eikhoibu nunghsiduna eikhoibu thiba laklammi. Aduga nungshibagi pambomna eikhoibu konsinbi.  Aduna eikhoi kiba amadi langtaknaba mathou tade.

Sastrana hai, “nahak ahingda tamthibana kihallaroi, aduga nungthilda pairiba  tenjei amadi mangtakpa singbu kiraroi. Nahakki nakanda lising lising tuba yai, adubu nahakki manakta lakloi.  ” (Psalm 91:5-7).

Egyptki yumsingda ahanba pokpa machanipasing siba matamda  yaogi ee teiba yumsingdadi kana amatasu side.  Matou adugumna Prabhu Jesugi eeda changjapham louriba nakhoi adusu kanbigani. Mahakna nahakpu mahakki mitnaogumna ngakengani.

Iswrgi machasing, tumdaba amadi uidaba makhei nahakpu ngaksenbiriba mapu Iswarbu thagatlu.

Dhyan tougani: “Iswargi asi eikhoigi changjaphamni, mahakna eikhoibu khudakta pangbiba ngammi.  ” (Psalm 46:1).