Aug 30 – Lulunaben a Darakuna!

“Bar Anin gametenji, Bo arznrzng darakunaban asui ayaman a lulunaben asan amben ansale iyaiba” (Mark 6:31).

‘Marid Janggarda amben ampara dakute’, kan a sanibdai-beran tiyaiten tumadgijmar Aggai batte. Kan batte anlen a tiydamnaben dete Kitungan itente lumle Israel-maranji amangban. Bo surda sareba-singan gabdile Kitungan Solomon batte. Bindo Solomon yireten bigardan jananb lingan, do Milkom kan ambrij. Israel maranji janang bigarda kudaipurba yirreji. Kitungan asarebasingan, anosaijanji amaneben.

Do didargamle ambrij aluben Kitungan amangban. Kitungan ateng brabdale kan ambrij Rajan a d’ong abgugutenji Babilon Israel a d’ong asanggemle. Do Raja Nebukudnezar absidle Kitungan asarebasingan do bo surda gudangan ambrij abmele. Etegoi babilon saring angante Israelanji yarenaiji.

Kitungan baile Jerubabel a d’ong bargutulben Kitungan asareba-singan. Kitungan Ejra a d’ong janang abdile, banudimaranji do Nimiuyan janang, tumadgij-beran batte abuyayetenji. Angante jerubabel gaijitalan dakule sarebasingan abmele, kuti-lingan ateng kanalkaln dakule, ateng asan anin tabkudle adrabtiad migal-unji mihnum atikki janang. Ateng mandranji dunglenaiji kun baran akadabben abmele. Jerubabel amangban ateng ranaptin mandran aranaptin adakuad atatkudben abmele kun a baran. Bindo Kitungan abuyale a O’nanji a d’ong.

Ayengan amandran danukadage dakule. Anten asan Anin sibdaile, gamle: “Angante amben Misor desan saring dunglen a yerai, seletten Hen kanate sibdailai. Do Janggarda-Hen amben ampara dakute; amben a bantongdong”. U’u, angante Marid Janggarda mangbaben dakute, amben abantongdong itejanan abmele. “Ranadun batte ted, ranaptin batte ted, bindo Janggarda-Hen maih batte.” Kanate kuduai kuduaianji a Gamangtungan gamte”. Pawpr Anosaijan a yam-ling, Israel-maranji tambusingan gabdileji do Kitungan a sarebasingan. Bindo Tabme Anosaijan ayam, anlen mestrinji batte gutultabe Kristun agaijitalan gamle, do kan ambrij Anappai ber-lingan.

Bogad kan a baran asusuben delenden. Itjaja kani kuni ergamlaben, kan ajanrdinna Marid Janggardan mangbalen adakunaben dete na. angante Marid Janggarda basute, amben agaja adbantongge orde kanalkalan adhangge. Anindaman mangbanben dakute (Sanenken 46:10). Do atanukudban sikoija amben ampara dakute. Do Janggarda-Hen amben ampara dakute; amben a bantongdong”. U’u, angante Marid Janggarda mangbaben dakute, amben abantongdong itejanan abmele?

Okiy Kinolbe absele: “GAMANGtungan a sarrangan batte rzngrzng darakunan yuryurte; dans aloage Anin Kades rzngrzng darakunan abyuryurte” (Sanenken 29:8).