Aug 30 – JAGA AHRAM LAGA!

Mark 6:31 “aru Tai koishe tai khan ke, “ahibi kinarte nijor proa hi ekta sunsan jaga te aru ahram koribi olop dri karone”.

Jinika itu zaroori thakishe ami khan Isor Jisu karone aru Tai laga chela khan karone bisaribole homoi ke ahram; aru ahram laga  jaga ke, amikhan, ami khan lage bisaribole homoi ke  aru jaga ahram nimite. Isor Jisu chunishe sunsaan jaga Tai laga ahram nimite. Itu hobdo ‘sunsaan’ mane ‘akela’. Manu khan itu prithibi laga icha nai inika sunsaan jaga nahoilebi khali jaga ke. Hoilebi Isor karone, itu thakishe homoi mitha milap Baba Isor logote.

Kunuba manu khan chune inika ekla anubhav ke milibole Isor logote. Tai khan kuchis kore dur hobole sangharsh khan pora itu prithibi laga, jai ekta ekla jag ate aru upwas kore aru prathnaa kore, ek dui din nimite. Itu ase homoi tai khan karone bandhi kene notun tagot te aru notun shakti te; aru homoi anondo laga ahram kori kene Isor te.

Isor icha kore Tai laga morom chela John ke thakibole ekla, sunsan anubhav ke aru loi jai tai ke Patmos Island te. Judibi tate dangor sangharsh thakishe ekla aru bandhi hoi kene, itu dikhaishe homoi ekta tagot laga Isor logote tai karone. Darwaza swarg laga khulishe tai karone,a ru tai dikhishe drishti swarg laga.  Kitab revelation laga, likhishe tai pora hi Patmos Island te, sikhai ami khan ke gehra rahasya swarg laga. Inika Patmos Island laga anubhav nahoile John laga,a mi khan thakibole thakanai Kitab Revelation laga ami khan hath te.

Apuni porhi bo pare atmakatha ke Isor manu laga- John Bunyan laga. Din khan te dharmik badlav laga England te, tai ke giraftar korishe aru dhalishe kalkotri te, lagatar prachar kora nimite. Tai ke dhalishe ekla kalkotri te, aru pura hatai she alag prithibi pora. Hoilebi tai karone, itu hi bhal homoi ulaishe ahram koribole Isor te. Itu tate hi thakishe ki Isor pora dishe tai ke salha likhibole kitab ke ‘The Pilgrims Progess’ laga, sapna aru drishti pora.a ru itu kitab ajibi ase bishi porha khan majete.itu  khara kore Pobitro Kotha laga dusra sthan te, printing laga ginti te. Itu kitab tagor korishe lakho biswasi ke jun hi thakishe tai khan laga rasta te swarg jabole.

Ajibi, Isor moromial ase mati ase ami khan ke jabole sunsan jaga  te ahram laga. Tai pora napothabo apuni ke tate ekla; hoilebi Tai nijor hi jabo logote. Aru itu hi hobo achurit hbomoi boha laga Tai laga theng te,a ru ahram koribole Tai te. “hobi sthir,a ru janibi ki Ami ase Isor” (Psalm 46:10). Sunsaan anubhav ase khali homo ahram laga nahoi; hnoilebi ekta homoi jitya ami khan hune Tai laga sthir awaz, juntu iman mitha ami khan laga kaan karone. Isor laga  bacha khan, ki apuni prashansha koribo Isor ke apuni laga ekla anubhav nimite?

Aji bhabna koribole laga pobitro kotha tu hoile Psalm 29:8) “awaz  Isor laga hilai diye sunsaan jaga ke; Isor hilai diye sunsaan jaga ke kadesh laga”.