Aug 28 – MUNDAG CHAJAKO CHEEJEVUN PAKALDEVASU JAROCHU

Philppivalun 3:13-14 Bhaiyo Vona aangaj pakaldidokan ma keluni pan yek karuchu, laar chajen sey bhulan aang chalen asakartho, Christhu Yesuma Dev balayojako paramer balavanir dhasanir palevas , vu gurina dektho sudho dhasrochu .

Christhumar jeevano mundag jayeroj pan laar jayero koni.  Sos karatho yek car hetethi gatlapar jarichkelatho yekvela vu carer ger Naas vejathani nutralema padgichkatho vithaj thamjaavacha Janna dekla vu hoto hannu heta dagarjathanu motas Haan chaljavacha. Hanuj yek viswasi reda sevakareval kunireda vunden avajako velabhavetin dekan viswasamemathi bhar jayero vu vunden hacho koni kan malam karlenu.

Lothen Dev Sodoma Gomorramathi bhar laayo Jana “Tham laambo chajako jagenko gatlapar ko dhasan jaavo pan laar pharan dekomath , dekekatho haalvejavocho kan ko. Athoi Lother gonni hoto pharan dittitho vu aajethanu nuner sthambhar nai hubaran cha. Yee paristhiti apanen yek samadhima jayer athra mot pramadam kan dekalacha.

Kanna thu hoto pharesniju mundagaj javu karechiko Jana Prabhu thathi bhalan Dever Bhakthidarevo sada aang badan javukaracha. Hanukonikan ma hotoj pharuchu kan kastho thar laar Sathan vor sojavon motas vundo khadaj Riya.

Jethij Aposthal Paul kacha Bhaiyo Vona aangaj pakaldidokan ma keluni pan yek karuchu, laar chajen sey bhulan aang chalen asakarrochu kan ko. Hava Christhumar jeevano thodsek cheejevun bhuljavnun ajji thodsek laar chonakenu. Gojako dadema Thar herdevunan , haargojenan, papen chodan bhuljavnu.

Vuj vagathema thuMUNDAG CHAJAKO CHEEJEVUN PAKALDEVASU dhasan jaan Apaner Prabhu Yeshu Christhur Pavithratha ,vor araj karer jeevano, ajji Vor Dever swabhavmen dhundan tharsethi dekan javnu. Jannaj thu Dever balavnin jhallen vuncho badan aang jayeja.

Akharir dadema banchrechajako apan mundager cheejevun payevasu Dee hasso dhasan javnu. Christhu avajana thu Vothi bhalan javaju daller asathi dhasnu.

Aji jada dyan Karen pado 1 Corinthivalun 9:25