Aug 29 – BISHI DHALISHE TAI LAGA GODH TE!

Proverbs 16:33 “bishi dhali ken ease tai laga godh te, hoilebi itu nirnay tu Isor pora ase.” “ghora ke tayar kori kene ase judho laga din karone, hoilebi mukti ase Isor pora.” Proverbs 21:31.

Dice dhala tu hoile ekta mamuli vyabahar ase Purana Niom laga homoi te. Ami khan pobitro kotha te pore, ki tai khan dice dhali diye duita bhera khan karone:  ekta dice isor karone, dibole ekta pap katibole, aru dusra bhera tu hoile jongol te chari dibole. (Leviticus 16:8-10).

Swarg te bi, inika hi dice diye aru ami khan laga Iosr jisu ke chunishe pap laga uphar karone. Kilekoile utu dice Jisu te girishe, tai jokhom hoishe ami khan laga dukh pora aru chipai dishe ami khan laga biya khan karone

Kinika canaan  ke alag kori dibole lage barohta jati te Israel laga, bi dice pora hi faisla korishe (Numbers 26:55). Tai khan bi diye dice ke mujrim khan ke bisaribole bi.a mi khan Joshua te pore, chapter 7 te, kinika tai khan achan ke janishe, jun ke bodnam kori kene thakishe bishi samn khan karone- bablon laga kapra aru sona karone.

Itu nishina hi, jitya tai khan dice diye bisaribole kun khan upwaas laga din te khaishe, utu girishe jonathan te, jun khaishe shehed utu din te (1 Samuel 14:41). Jitya tai khan bisaribole mon jaishe utu hagot te, utu dice jonah te girishe, kun polabole kori thakishe Isor laga maujudgi pora (Jonah 1:7). Roman sipahi khan  dhalishe dice ke faisla koribole kun pora Iosr Jisu laga kapra lobo. Mathias ke bi dice pora chunishe, Judas Iscariot laga bodli te chela hobole.

Pobitro atma ke nadiya agote itu prithibi te, Iosr laga bacha khan cholai dice ke ki kun pora janibo icha Isor laga aru Tai laga rasta laga. Hoilebi apuni nadikhe gau laga suku logote hoilebi apuni laga biswas laga suku logote. Itu prithibi laga niom te dice pora modot nakoribo apuni ke Isor laga icha apuni jibon te bisaribole. Itu pobitro atma hi ase jun  loi jabo apuni ke sob hosa te, aru dikhabo apuni ke Isor laga rahasya khan, ekta norom awaz pora apuni laga kaan te.

Sabi ki koi pobitro kotha pora: “apuni laga kaan hunibo ekta awaz apuni laga pichete, koi kene, “utu rasta ase, berabi tate, “ jitya bi apuni ghuribo dahina te nahoile kityabi bay ate” (Isaiah 30:21).

Isor laga bacha khan, jitya bi apuni lage Isor laga dorkaar, nomro koribi nijor ke aru bisaribi Iosr ke.a ru kitya bi nijor ke bhabishvani te nadhalibi. Ki koribo lage apuni koile ki khara koribo lage ghutna te isor laga maujudgi te aru mangibo lage isor ke.a ru tai pora apuni ke sahi rasta dikhabo.

Aji bhabna koribole laga pobitro kotha tu hoile psalm 73:24 “ apuni pora mi ke rasta dikhabi apuni laga kotha logote, aru pichete ami lagamahima pabi.”