Aug 27 – CHARI NADIBI ANUGRAH KE!

Jonah 2:8 “jun khan bhabna kore kam nathaka murti karke chare nijor laga daya ke.”

Isor laga anugrah Jonah logote thakishe. hoilebi jitya tai kotha mananai Isor laga kotha laga, aru polai jaishe  Isor laga mamujudgi te Tarshish te, Isor pora Tai laga anugrah loishe olop homoi karone. Aru tate bishi dangor toofan ahishe hagor te, nau khan ke biya kori kene. Tai khan pora jonah ke hagor te phelai dishe.

Isor pora anugrah te thik korishe ekta maas Jonah ke gili bole. Aru jitya jonah  bhabna korishe maas laga pet te, tai hosa ke janishe, aru jun khan mane kaam nathaka ahankar khan ke  tai khan chare nijor laga anugrah ke (Jonah 2:8). Sabi itu kotha “kaam nathaka ahankar”. Raja Solomon pora koi inika “ahankar upor ahankar”, aru sob ase ahankar. “ami pora saishe sob kam khan suraj laga nichete; aru hosa bi, sob khan bekar ase aru dhuri ase hawa karone hi” (Ecclesiastes 1:14).

Itu kaam jonah polai jaa laga Isor laga maujudgi pora, aru jai loa niche bhag nau laga ghumabole itu bi ahankar ase. Itu bi ahankar ase ki tai ahram korishe gash laga nichete, nahoilebi bhagor laga utu gash nichete aru puka pora khai diya ke, loi kene khali utu chaya juntu tai karone thaki she.

Dusra  tu hoile, bishi manu khan tai khan laga anugrah ke harai loi tai khan laga tita jor aru suku jolah laga bhabna khan. Itu karone chela paul pora hoshiyaar kore: “sabi dhyan pora nahoile komti hobo anugrah pabole Isor laga; nahoile kunuba jor khan tita laga ulai ahibo dukh dibole, aru itu pora moila kori dibo”(Hebrews 12:15).

Isor pora  dishe anugrah Saul ke. Tai jun jane sabole tai laga hari ja bhera khan ke, lok paishe Isor laga anugrah pora, aru bonaishe tai raja Israel laga. Hoilebi tai david ke biya lagibole shuru hoishe. Tai utu ke bordash koribole paranai jitya maidens khan tai David laga mahima gaishe. Tai david ke bisari kene maribole laga had thak jasihe, junk e Isor pora hi chunishe.

Itu karone hi Isor pora saul laga anugrah ke loi loishe, kilekoile taike biya atma pora cholai thakshe. Aru tai laga ses bishi biya thakishe.  Isor laga bacha khan, jor tita laga laga, gussa aru suku jola bonai manu ke tai laga anugrah ke harai dibole. Utu homoi te, judi apuni loi jai nijor laga jibon ke ekta khemai laga adot di kene aru morom pora sob manu khan ke, tinihoile apuni anugrah pora bhorta hobo.

Aji bhabna koribole laga pobitro kotha tu hoile Jude 1:4 “kunuba manu khan karone rakhidishe nadikhai kene, jun khan ke iljam pora ulai kene ase, isor najana manu, jun ghuraishe anugrah isor laga biya karone aru mana korishe khali ekta Isor aru ami khan laga Iosr Jisu Krista ke”.