Aug 27 – ATMAKARIK MON!

Romans 8:6 “kintu prithibi laga mon ase mrityu, hoilebi atmakarik mon ase jibon aru shanty”.

Bhabna aru kalpana ahi thakibo ekta manu laga mon pora. Hazar inika kalpana kora polai thake atma laga porda te ekta manu laga.

Hoilebi jun khan icha kore loi jaibole ekta jit laga jibon, tai porakaam koribo itu bhabna khan te. Pobitro kotha te koi ki, “ami khan diye niche alosona ke aru sob uncha saman khan ke juntu uthai nijor ke khilef te Isor laga gyan pora, ani kene sob bhabna khan ke bandhi te mana laga Krista ke” (2 Corinthians 10:5).

Ami khan dikhe bishi chirirya khan uri thaka ekta kuha laga uporte;a ru kunuba khan ahram kore kuha laga kinar te; aru tai khan tate gau laga moila bi phelai. Jundi utu khan te gash laga guti thake, itu pora jor loi lobo kuha te ;aru judi itu ke sapha nakore bhal  pora, itu pora hi dhakai lobo pura kuha ke aru pura kuha hobo moila cholabole napara laga. Itu nishina hi, judi ami khan laparwa hoi bhabna khan te juntu ami khan laga dimag arum on ke paar kore, itu te ase shamata pura khotom koribole ami khan laga atma karik jibon ke.

Ami khan dikhe bhabna khan ke dui kisim te. Poila, sapha aru pobitro bhabna khan diye pobitro atma pra. Aru dusra te ase biya bhabna khan ulai thaka gau pora. Tate ase bonabole para bhabna khan juntu bonai manu ke;aru bhabna khan gau laga untu loi jai  manu ke hekh kora te.

Jitya ekta manu diye tai laga bhabna khan ke Pobitro Atma ke, tini hoile Isor nijor hi raj koribo tai laga bhabna khan te aru diye tai ke pobitroa aru jit laga bhabna khan ke. Utu bhabna khan modot kore tai ke agh barhi bole pobitrota pora pobitrota te. Pobitro kotha te koi, “hobole atmakarik bhabna te ase jibon aru shanty” (Romans 8:6).

Bhabna khan pbitro atma laga te hobo ekata: itu achburit pora loi jabo ekta manu ke ekata te porivaar aru morom laga milap te. Itu pora milai ami khan ke Isor aru swarg logote. Aru dusra phine, itu pora milai ami khan ke morom te sob porivaar laga manu logote. Khali judi tate ekata ase mon laga, thakibo tate ashirbaar porivaar te.

Ki hobo judi apuni haal cholai ekta kheti te, ekta goru logote ek phine aru dusra phine gadha logote apuni hal cholai. Itu pora khali  hekh koribo dangor smasya te janwar khan karone arum manu karone bi jun hal cholai. Itu karone namila logote namilibi ahbiswasi khan logote.

Isor laga bacha khan, khali judi tate ekata ase bhabna laga tini hoile apuni berabole paribo eki logote shanty te; aru hobo jag ate prathana kora laga ek dusra nimite ; aru dhuribole ekdusra ke.

Aji dhyan koribole laga pobitro kotha tu hoile 1 Peter 4:1 “itu karone, kilekoile Krista bhugi she ami khan karone gau te, dhuribi nijor ke utu iki mon te”