Aug 27 – AHRAM KORI THAKA POBITRO ATMA TE!

Isaiah 63:14 “jitya janwar jai niche ghati te, aru Atma isor laga hobole diye tai ke ahram, inika Apuni loi jai Apuni laga manu khan ke, bonabole Nijor ke ekta gauravmai naam”.

Isor Baba diye ami khan ke ahram (Exodus 33:14). Jisu Krista, Putro isor laga diye ami khan ke ahram (Matthew 11:28). Itu nishina hi, Pobitro Atma, Atma Isor laga idye ami khan ke ahram (Isaiah 28:12). Itu karone ghusibi ahram te, jani kene ki inika ahram shanty te ase amikhan laga jonom adhikaar.

Tate dui kisim laga ahram ase. Poila ase apuni ahram kori thaka atma te. aru dusra ase atma ahram kori thaka apuni te. Judi apuni lage ahram atma te, tini hoile apuni khan bohibo lage Tai laga theng te,a ru kobo lage swargiya  bhasha juntu Tai apuni ke die. Titya apuni thakibo ahram apuni laga atma te. Pobitro kotha koi, “kintu rukhi ja uth aru dusra bhasha te Tai kobo tai laga manu kkhan ke”.

Dibole apuni laga prashansha Isor ke hosa te aru atma te; kobole anya bhasha te; tate tok ki apuni dibole apuni laga bhar ke Isor te.

Isor pora pratigya dishe koi kene, “inika hi Atma bi modot kore ami khanlaga komjuri te. Kile koile ami khan najane ki ami khan prathana koribo lage, hoilebi Atma Nijor hi bonai  amikhan karone kandi kene juntu amikhan kobole napare” (Romans 8:26).

Pobitro Atma bi apuni te ahram pabole lage. Tai ahram  korishe Isor Jisu te ekta kopu laga roop loi kene. “ Atma Isor laga ahram koribo apuni te, Atma gyan laga aru buja laga, Atma salha diya laga a ru tagot laga, Atma budhi laga aru bhoi Isor laga” (Isaihn 11:2). Itu motlob Tai ahram pabo ami khan te.

Noah laga din khan te, jitya tai pothaishe kopu ke jahaz laga bahar te. “kopu bisari panai iku ahram laga jaga tai laga theng ke rakhibole,a ru tai ghuraishe jahaz te tai usorte, kilekoile pani khan thakishe pura prithibi te” (Genesis 8:9).

Itu nishina, Atma Isor laga panai ahram Purana niom laga pondit khan te, aru namishe Isor laga bacha khan te, aru thakishe ami khan logote utu din khan pora. Pabole didi Tai ke ahram apuni te. Judi apuni hatai sob moila khan ke aru diye nijor ke ekta pobitro jibon, titya Atma Isor laga ahram koribo apuni te.

Aji dhyan koribole laga pobitro kotha tu hoile John 14:;17 “atma hosa laga, jun prithibi pabole napare, kilekoile itu pora nadikhe  Tai ke aru najane Tai ke; hoioebi apuni jane Tai ke, kilekooe Tai thake apuni logote aru thakibo apuni te”.