Aug 26 – YAO MACHA!

“aduga makhoina mahakpu Yao machagi eegi mapanna amadi makhoigi sakhi gi waheigi mapanna ngamkhi.” (Revelation 12:11).

Yaomachagi ee asi Satangi panggal bu manghannabagi achouba khutlaini. Christagi ee asi lanphamda eikhoigi langi khutlaini,maduna eikhoigi wakhalgi manungda oiriba Satangi lanban mayam adu thugaiba ngambani.

Eikhoina Jesu Christagi ee asi leibagumna makhoina su Pascal Lamb asi Ariba walepnabada makhoigi achouba langi khutlai oirammi. Makhoina Egyptki leingakpasinggi makhutagi  awaba kaya khanglammi. Makhoigi marakta angakpa mangtakpagi thoudok mapal thok hanba matung phaobadasu Pharaohna makhoibu thadoktaduna thamoi kanduna leirammi. Aroiba Iswarna tara suba oina ahanba pokpa machanipa singbu sihankhi.

Ahanba pokpa machasingbu hattoktringeida Iswarna Mosesta cheksin wa haibirammi. Mangtak hanba dut aduna makhoidasu amang atak  thokhandanaba makhoina thonggan singda yaogi ee adu teigadabani. Masigi athuppa asi Egypt singna khanglamde aduna makhoigi ahanba pokpa machasingbu tumna mangkhi.

Icham chamba yaomacha amagi eena asukki matik chaoraba thabak touba ngamlabadi Prabhu Jesugi eena kayam chaona angakpa thabak touba ngamgani haibadu munna wakhal toubiyu. Christagi khongdagi chenthorakpa ee aduna Satangi kok adu thugaikhi aduga mahakki panggalsingbu mangtak hankhi. Madugi mamal yamlaba ee aduna eikhoibu lan ngamba oihanbire. Mahakna asumnasu wasakpire,”yengu, eina lin amadi bricchu singbu netpa ngamnabagi matik su pibirabani,aduga yeknabagi panggal khudingmaktagi su matik pibirabani aduga makhoina nakhoibu  sokpa ngamloi.” (Luke 10:19)

Nahakki punshida Satanna awaba karigumba thok hankhrabra? Nahakki thajabagi tenjei adu mamal yamlaba Prabhu Jesu Christagi ee aduda luple hairaga Satan aduda kappu. Iswargi kabakthang oiriba Mahakki wahei adu Christagi ee aduda lupsinduna Satangi khusil thourang khudingmaktu manghallu. Jeusu Ee adu Satangi kokthakta khiktuna mahakki thabak khuidngbu namthabiyu. Yaomachagi eena Satangi panggal khudingmaktu mangtak hanba ngammi.

Iswargi machasing,nahakki paptagi pukning hongduna thamoi sokna kaplabadi pap khudingmakpu chamthokpiba Christagi ee aduna nahakki nungda laklabani. Adu nahakki thawaida leirabani. Aduga ahumsubada,nahakki thamoidasu khikpikhrabani. Aduga madugi eegi mapanna nahakna lan ngamba adu oirabani.

Dhyan tougadaba, “adubu mamal yamlaba Christagi ee oiriba amakpa yaodaba yaomachagi ee amadi asoiba yaodabani.” (1 Peter 1:19).