Aug 26 – Murkundar’dangan!

“Aninji a On Murkundar’dan a mihaman batte do a sakkiberdamanji batte anin a d’ong abladnale dailenji” (Anabpungge 12:11).

Murkundar’dan a mihaman batte absidte sonuman aranaptin. Kristun a mihaman nab o surdan kardiban sanunaben abmele, itente sonuman a d’ong abs’idben abmele, mona-ling-len.

Mangbalen Jisun Kristun amihaman daku, Kitungan a murkundr’dan, aninji handramleji, Papwr Anosaijan ayam-ling. Aninji galuleji bo surda tanunjing-lingan do kanalkal-lngan Misoranji a si-lingan do a dane maranji amangban. Tinji rulingan apaile atikki misoranji, Paron adpai a d’onganji bindo a j’e-lingan. Atanakud-lingan, Kitungan atanakud rulingan apaile kun ate aparamantan a O’nan a karahidan.

Aprdi-O’nan endrang kahiden admang, Mojes a d’ong radu gamle bernan oblingle, bogad amben ayirben aitsumlenden dile birindanji tangboi murkundar’dangan dakuba, kadhidle a mihaman garanasingban jodjodle yirba. Kan ate misoranji adgalamadji do dile mandranji a pardi-O’nanji kahidleji.

Angante bo murkundar’dangan amihan rabrabte a d’onganji, amben ogandiba daina aranaptin Kitungan a mihaman batte, order-lingan butente murkundar’dangan a d’ong gabdile. Itente a mihaman ajingban ardulai, sonuman a d’ong hale do aranaptin absidle. Bo bangsa amihaman batte, barij daina tiylai. Anin jibjible gamle: “Gijba, j’adan do ontamekanganji bar bera maran a kuddub ranaptin a lanangkan a hadaben asan Hen danen tiytaben. Do iteja engale janang den adnabparaben” (Luk 10:19).

Mandrengna-ling-ben sonuman anabkalkalan palaipo? Dirnaben batte Kitungan Jisu Kristun a mihaman batte, do sonuman a d’ong saggaiba. Kitungan akardiban batte sanuba, itente a bernan na, Kristun a mihaman do sonuman anogandinji absidba. Sonuman ababan Jisun a mihaman batte urdaba do itente alumte ate adkadabba. Murkundar’dangan a mihaman, sonuman akuddub aranaptin abasuite.

Tanahimdam Kitungan a onagji, pintunben abmele tanamadan garba do pitunben asan Kitungan amangba edanaba, Jisun Kristun a mihaman, barij pintunben gijdate, d’ong-ling-ben urdate, kun ayam-ling. Pwrarda-ling-ben ja. Do anabyagi-lingan, j’e-ling-ben janang abjattaba. Do mihaman batte, amben daina ahangte!

Okiy Kinolbe absele: “osantan er pansardige do er adilge a delen a on murkundardan a mihaman ambrij Kristun ateng janattige mihaman batte tanandzn a dele, kanate amben a galam” (1 Pitor 1:19).