Aug 25 – VILLO!

Isaiah 44:4 ‘tai khan ulaibo ghas khan laga majete villo khan nishina pani laga kinar khan te.”

Isor pora dishe bishi ashirbaad khan Jacob aru Israel ke. Aru ami khan dikhe utu ashirbaad khan ke itu upor laga podh khan te, ki tai ulabo ghas khan laga majete villo nishina ulai pani khan laga kina rte.

Villo ke iman mehetwapurn diyanai Pobitro Kotha te, jitya itu ke tulna kore devdar, baloot, goffer, dimoru nahoile jolphai nishina. Utu homoi te, tate ekta khas jaga ase koi kene villo gash nimite rakhi ase. Pasta jagate Pobitro kotha ase jote villo gash ke koi kene ase (Leviticus 23:40, Job 40:22, Psalm 137:2, Isaiah 15:7, Isaiah 44:4). Apuni khan dikhibo ki villo khan bishi bhag te nadi aru pani laga jaga khan te ase. Leviticus te 23:40 aru Job 40:22 te, tate milai kene likhi kene ase ‘villo chutu nadi laga’, kilekoile tai khan dangor hoi khali nadi aru pani laga jaga khan te.

Jitya Pobitro Atma, nadi jibon laga apuni te bahe, apui khan bi bhorta hoi kene dangor hobo, fulibo aru dibo bhal gunn khan. “Tai hobo ekta gash nishina juntu lagi kene thake pani laga nadi kinarte, juntu ane phal tai laga mausam te, jun laga pata khan nasukhibo; aru ji tai kore itu unnati hobo”. (Psalm 1:3).

Jote bi Pobitro Kotha te koi ken ease nadi khan laga kotha ke, apuni khan gehra hosa tate bisari kene pabo utu bhag khan pora. Genesis laga kitab te, ami khan pora nadi Eden laga bagan te, juntu bhag hoi kene charta laga nadi matha hoishe- jote tate sona ase. Utu khan mamuli nadi thakanai hoilebi nadi juntu khan diye sona nishina pobitrota aru biswas. Itu pora monk e bi khushi kore, kilekoile itu ekta anondo laga nadi ase. Pobitro Kotha te koi: “tate ekta  nadi ase jun laga pani rasta khan khushi kore Isor laga nagar ke, utu Pobitro jaga Tamboo laga sobse Uncha karone” (Psalm 46:4). Pobitro Atma hi nadi ase anondo laga.

Tai jun Ami ke biswas kore, jinika pobitro kotha pora koishe, tai laga mon pora ulabo jibon laga pani”. Hoilebi itu Tai koishe bhabna kori kene Atma laga, tai khan juun biswas kori ase Tai te, hi pabo” (John 7:38-39). Jitya john pora dihishe utu nadi kene, tai bishi anondo hoi kene koishe: itu hosa bi sapha nadi pani,  jibon laga, sapha aina nishina, rajyo pora ulai kene Isor laga aru bhera laga (Revelation 22:1).

Isor laga bacha khan, hodai din hi thakibi ekta gehra sampark nadi Pobitro Atma logote, kilekoilea jun gash pani laga kinarte ase, lobo pani nadi pora aru dibo mitha phal. Apuni ke phal dhuribole matishe, kilekoile apuni khan villo ase pani laga usorte lagai diya. Thakibipani laga usorte aru pabi ashirbaad Isor pora.

Aji bhabna koribole laga pobitro otha tu hoile Jeremiah 17:8 “kilekoile tai ekta gash nishina hobo juntu pani laga usorte lagai dishe, juntu tai laga jor khan ke pani phine barhai.”