Aug 24 – Bo Bangsa Drakiya lanaman

“Anin tetten gaian gaile arenganji szdszdeten. Anin bangsa drakiya lanamanji tette lingan gueten” (Jisaiya 5:2).

Amben aboi ansanedan a drakya-laman do ganu delaben do asangdage a j’on atiybented.kalobori a tanimyiman saring, Kitungan gijbenten bo bangsa drakiyadan ambrij, engale drakiyadan abmainate di-dargam do engale ragal drakiyadan absuite aboi sindrung-bojan ambrij-do ranukkun. Amben aboi bangsa drakiya laman.

Ateng drakiyaji daku desa-linglen-jed, yaga do erdu a drakiyadanji. Anlen janang aboi abaih agasan a drakiyadan barij ragaldage. Ateng enegoi drakiya lamanji daku, er bangsadage dakute.

Bindo amben bo bangsadage a drakiyadaan adeben dete Kitungan amangban. Amben aboi kayatindage a mandran ambrij pede daku israelanji anosaijan saring, dirdirna agasan ambrij do Kitungan sattang maih order-lingan. Amben aboi surda drakiyadan, do anabsidan adele ate anlen daman batte d’ongdage ate admarangben dete do barijdage Kitung-lingan abasuben dete, engale bigardanji saring (Epissi 2:3).

Desalen saring, amben agalamtepo Kitungan hangam bo bangsa drakiyadan abmebenten Anin aguddang-lingan. “Bar Kristu Jisulingan Anin ampara amrukku abdzlalen, do ruang lingan Anm ampara anrukku abgoblalen. Yante gamle Kristu Jisu lingan anlen apsele anabasuyem lingan Anin asuyeman a jznjzn bittin yertaian ayam lingan Anin rapti apsuite” (Epissi 2:6-7). Kitunglen akanalkalan saring, akarahidan do a yanarmengan, amben banandan adele bo bangsa drkiyadan gamle, itente Anin aboi taniytiyan ambrij abmele, asuyeman batte.

Nami janang, aguddang-lingan Anin d’ongben bo bangsa drakiyadan abmeben asan lumte-ranukkun-lingan. Ganabdilan ayam-ling, Adam do Oban gabdile edon kutta-lingan, amukkadaman ambrij, Anindaaman do aganugu ambrij. Bindo aniji pintu-lingan galuleji, ayirmanenji batte do susuleji asangdaman a j’on adj’oben asan.

Ajardina kan ate bo surda anabsittan batte Kitungan gabdilai barij j’on a j’oben asan drkiyadan ambrij. Bindo handrangdage a mandrengna adhanatenbepo? Kitungan oalangten: “Dele janang Hen d’ong-ben sakkai drakiya lanaman a jabmolan saring bangsa drakiya lanaman abmean abmele guneblaben. Etteden yan gamle amben er bangsa dean dele kandrzng drakiya lanaman a dele?” (Jirimiya 2:21).

Tanahimdam Kitungan a onagji, nami amben bo bangsadage a drkiyadan laman ambrij adeben dete Kitungan adarakuna-lingan. A karidadong kan ate amben aboi bo bangsadage a drakiyadan gamle, Kitungan sanedan, bo bangsadage a j’on a j’oben asan.

Okiy Kinolbe absele: “Aman Misor desan saring aboi drakiya lanaman panglai; Aman bzgarda jattinji a d’ong gongle amdungle do kanate Aman guneble. Aman kanate madrangben asan darakunan madridle; kani a j’edanji jaru yereten do kanate kuddub desan harre” (Sanenken 80:8-9).