Aug 24 – AHRAM APUNI LAGA MON KHAN TE!

Philemon 1:7 “kintu ami khan ase anondo aru dilasa apuni laga morom te, kilekoile mon khan pondit khan laga taza hoi apuni pora, bhai”.

Tate 66 kitab ase Pobitro Koth te. Philemon ase 57th kitab Bible te aru tate khali ekta adhyay ase. Itu ase ekta epistle juntu Chela Paul pora likhishe, jitya tai ke dhuri kene rakhishe Roman kalkotri te. Itu epistle ke koi philemon ke jun thakishe malik naukar Onesimus laga, jun polaishe tai laga malik pora, ekta anurodh thaki kene khemai koribole Onesimus ke; aru lobule taike ekta bhai koi kene.

Paul jun bhabna thakishe tai laga mon te pabole ahram aru bhal; bonabole ekta alag jibon naukar ke. Roman rajyo te, malik naukar laga kore jinika tai ke bhal lage. Tai ke rakhibo niche  ekta ghor laga naukar hisab te bi. Kunuba naukar, rukhi thakibo dorja bahar te malik khan laga ghor te, dhulai dibo tai khan laga theng ke jun khan malik laga ghor te ahibo. Kunuba khan tu kaam koribo kheti te, malik laga pura adhikar thakibo tai ke atyachar koribole;a ru dhalibole tai ke kalkotri te.

Jitya Isor Jisu ahe niche prithibi te, “ Tai bonaishe Nijor ke iku podh nathaki kene, loi she nijor ke ekta naukar laga hisab te, ahishe manu laga hisab te.a ru pai kene nijor ke manu laga hisab te, Tai nomro korishe Nijor ke aru bonishe kotha mana hisab te mora tok, kruste” (Philippians 2:7-8). Itu ekla nahoi, jinika naukar tai bi shuru korishe dhulabole theng ke Tai laga chela khan laga,a ru mushi dishe tai khan ke kapra pora juntu pora tai ke bandhishe (John 13:5).

Onesimus, jun bandhi naukar thakishe jun polaishe tai laga malik Philemon pora, itya thakishe Chela Paul logote. Judibi Paul ke lagi thakishe Onesimus ke tai ke sabole, tai pothaishe taike malik logote ekta chiti likhi kene. Tai likhishe: “judi tini hoile apuni ginti kore ami ke ekta hissedar  hisab te, pabi tai ke jinika apuni ami ke koribo” (Philemon 1:17).

Itu khas bhabna thakishe dibole ahram ke pondit khan ke  isor laga. Tai korishe sob ji pare modot koribole naukar ke Isor laga phelabole susmachar ke. Kilekoile itu hi thakishe vyabahar Philemon laga, paul biswas korishe itu koribole onesimus logote, jun hi bhandhi  thakishe.

Isor laga bacha khan, ki apuni laga ghor ase seva koribole ekta jaga ahram laga pondit khan karone Isor laga? Ki apuni phelai ase apuni laga nomrota ke wafadar naukar Isor laga? Apuni janibo lage ki ji bi apuni kore modot tai khan ke, apuni di ase Isor ke hi. Aru jitya apuni inika kore, Isor bi thakibo aru ahram koribo apuni laga ghor te.

Aji dhyan koribole laga pobitrno kotha tu hoile Matthew 18:10 “dhyan dibi ji apuni kore aru nacharibi itu chutu khan ke bi kilekoile ami koi apuni ke ki swarg te tai khan laga duth khan hodai dikhe chehra pora chehra te Ami laga Baba ke jun ase swarg te.”