Aug 23 – THEEN THARAR ARAAM

Darshanen grandh 14:13 Vunder haayina sey bhuljan araam palacha, vo kidejako kaam vunder sath avacha.

Theen thara chajako Rajyavo Dever beptavasu khyal karricha. Heryek Dever beptavo yee theeni Rajyavuma rethanu savaad karnu

Vundema yek Dever betar premer Rajyam. Colossivalun 1:13 vachanema Dev apanen andharer joremathi chodathanu vor betar premer Rajyamer janner nai chalayocha Kan vanchacha.

Assal yee Dever betar premer Rajyam katho kai? Apaner dallema vassaju bhandojako vu Prabhu Yesuro Rajyam. Kanna thu thar papen maanlethanu Prabhu Yesuna rakshakar nai lelethanu vimochaner anandena palas janna vu Prabhu thar dallema rajer Raj ven dallema vassjavacha. Thar dallema simhasan ghallen bhesajavacha. Vu Yesu Prabhu thar dallema vassro vatho ajji thara Dai kunsi papen na avaju cheti karanakacha

Jethi thu abbethanu kidojako papen maanlethanu ajji kannai pap karuni Kan theermana karlenu. Jannaj thar dallema mahimaro vajalo athanu thona vajalethi bharnakacha. Vu shanthir Raj Yesu Prabhu thona chavnujako samadhan devalo cha.

Deemo 1000varas palan karevalo Christhur Rajyam. Vo sey varsema apan Christhuthi bhalan jagen sarin palan karacha. Daniel 7:27 vachanema vor pacha Rajyaman adhikara yee asmaner heta chajako sey mot rajyamepar Dever beptar nai chakako Bhakthidharevun demelocha. Yee Rajyam nithya Rajyam yee Rajyamer mundag sey rajyavo maanan matho het karlenu.

Christhur 1000 varser Rajyamema araamethi rero kajako vu assal kervenijathra moto mahimaro vath. Vu dadema shodhana ghalevalo sathan pathalema bhandajavacha. Ajji pap karer shodhana kajakoj reni. Yee jagan voma chajako asaa kunsi reni. Votha ajji kunsi thara vyarivo reda Haan karer jaanavar reda reni.

Yeshaya 11:6-7,9 vachanema bhediya gorlir pillar vacha bhesacha chirutha puli chelir pilpila Kan sovacha. Kelda sinkos ajji palmelejako balad yek jag rathoi vunden nankya chora dabetacha. Gaavdin karadivo  bhalan characha, vunder bepta yekkaj jag ramlacha balad khavaju sinkos khaden khavacha. Mar pavithar gatlar gheran chajako kunsi jaanvar Haan kareni, marnakeni, samudar panithi bharan chaju lokam sari Dever genethi bharan racha

Theenmo Rajyam vu asmanema rajako Bap Dever nithya Rajyam. Votha apanen navvo asmanan navvo dharthi racha. Ajji apan navvo Yerushalemenan navvo Siyonen dekacha. Votha Junon Navvo Kararemar Bhakthidharevun dekan anand pamacha. Vu vagath kathra jada mahimaro vagath ven riyya kunika.

Ajji jada dhyan karen pado  Darshaner grandh 21:3 Yidek Dever Rajyam manikyar sath cha, vu Dev vunder sath yekkaj jag vassan racha, voseji Dever janner nai racha, Dev vunder Dev ven rethanu vunden sath rethanu chalavacha.