Aug 23 – PRABHU NA MAHAKKI SEBOKSINGGI MIT PANGTHOK HANBA!

Mahākna makhoiga loinana chānaba tebal manākta phamlammi amasung mahākna tal adu lourammi, aduga thāgattuna madu thugāiraga makhoida pirammi. Madudagi makhoigi mamit pāngthok’hallammi amasung makhoina mahākpu khangjarammi; aduga mahākna makhoigi mamāngdagi māngkhi. Luk 24:30-31

Jesu cross ta sikhiba matungda sebok anina Jerusalem dagi Emmaus tanna thamoi sokna sokna chatlammi. Jesu na makhoi aniga chatminnaduna Iswargi waheising sandokna takpirabasu makhoina Jesuni haibadu masak khangdokte. Mahak lamlanba ama oina khallammi.

Jesu na makhoiga chatminnaduna makhoigi yumda changlammi. Tan thugaiduna makhoida pirammi. Youtpigi dakpham puraba Jesu gi khutta leiba tan adu ubadagi  makhoina Jesuni haiba khanglakkhi.

Iswargi machasing ngasi nakhoigi mit pangthokpa oisanu. Jesu na nanakta leplibani. Nahakki pap amadi ayol arangi damak ta mahak asok apan nangkhrabani. Mahakna mahakkki hakchang asi tangumna thugainaba pithokkhrabani. Mahak nahakki kanbiba mapuni aduga Mahakna nahakki papsing kokpigani.

Nahakna Prabhu adu khangnaba mangonda pisinjou. Nahakki khangbagi mit adu pangthokpa oisanu. Pakhonchatpa Paulna asumna hairammi,Tasengnamak eigi Ibungo Khrista Jisubu khangbasi khwāidagi athoiba oiba maramna eina pot pumnamak amāngbani hāina singthānare; Ibungogidamak pot pumnamak māngba adu eina khāngduna eina pot pumnamak thunāmba potkumna singthānajare, masi eina Khristabu phangjaba ngamnaba,  Philippiyā 3:8.

Prabhu gi hinggatpa amadi mahakki awaba khangminnaba adu khangnaba mahakki mamit pangthoknaba khouranglammi.

Akonbada mahakna Prabhu bu khanglammi aduga Iswar gi maramda athuppa singsu khangba ngamkhi. Prabhu bu khangba ngamnaba eikhoigi mitsing asi hangdokpa mathou tabani. Sastrana hai, “Houjik eikhoina musi musi mingsenda ubagumna ui; adubu māiga māiga unnarakkani; houjik eikhoina mapung phādana khang’i, adubu eibu mapung phāna khangbibagumna tungdadi einasu mapung phāna khangjagani. 1 Korinthiyā 13:12

India gi misingna makhoigi sembiba mapu adu khangduna makhoigi damakta katthokkhraba mahak adu khangba ngamnaba mit hangdokpiba oisanu. Aduna makhoina makhoigi chatnabida khurumliba laisingdagi makhoi nanthoktuna amata ngairaba Achumba Iswar adu khanglakkani.

Prabhu na Pakhonchatpa John bu Patmos ki ithatta leiringeida mamit hangdokpiba adu gi mapanna mahakna swargagi maramda angakpa sing uduna tungda lakkadaba sing adu uba phangkhi. Mahakna swarga,norrok,amadi lomba naidaba adugi maramda uba phangkhi. Kayada angakpa no.

Thomas ki mit hangdokpiba matamda mahak chingnaganba mi oirasu mahak thajabada achetpa mi oirakkhi. Aduga mahakna haikhi,”Eigi Prabhu,eigi Iswar “.

Iswar gi machasing, nahakki mit pangthokpa matamda nahak thajadaba oiraroi. Chingnaba,akiba, amadi khangdaba adu nangondagi chenkhragani. Aduga nahakki thamoi adu mapan naidana haraobana thallagani.

Dhyan tougadaba: “Nahākki chatna-pathāpsinggi lambi eibu wākhal tāhanbiyu; Asumna eina nahākki a’ngakpa thabaksinggi maramda dhyān toujagani. Thāgat Isei 119:27