Aug 23 – DURGAMENA BHANDERO

Yeshaya 5:2 Vu Vona hachethi khodathanu bhatavun veendlen voma sreshtavader angurer dolina gadayo vor vach yek DURGAMENA bhandan angurer thottina khodayo

Apanen yek durgam cha vu kunikonipan Calvary gatlaparethi vuncho vatadojako Yesu Christhu Prabhuj. Kasen katho Golgotha gatlaparethij vuncho vutocha jethi  apanen papethi chodathani vordai  apanen balalinocha.

Vachanema apan vancheju angurer dolina gadayo katho Yesu Prabhu sada Dee choryar vacha siluva ghalayo. Lapan Yesu vu doi choryar vacha Dee siluvar vacheti gadamelojako jeevaner DURGAMER nai hubocha. Yeej Yesu Prabhu Juno Kararenan Navvo Kararer vacha yithihasmenaj Christhur aangan Christhur pacha kan doir vacha hubojako DURGAMER nai cha. Vuj Yesu Prabhu Athmiker vadir Dever beptan Jeevadar vadi Yisraeler janner vadi doir vacha hubojako DURGAMER nai cha.

Vuj Yesu Prabhu Pavithar manikya an Papiyur vachan Asmanen Dhartinan bhelevalo doir vacha hubojako DURGAMER nai cha. Malkemar manikya Dever Beta dakalan Asmanema Sojavun Sada Dever Beta dakalan yek vaasir nain ajji Dever beptanan Anya jathevalen sada  yinder vacha hubojako DURGAMER nai Yesu Prabhu cha.

Yee Yesu Prabhu Apaner saru yek khasa bayar sayama ayojako cha. Apaner vasu Vu Prabhu savukar rethapar Gareeber dakal vego, kasenkatho vor vadithi thu savukar venu kan. Vor mahiman krupanan dhanyathar dakal dekaler vasu Vu Prabhu DURGAMER nai vacha hubocha. Yesu Prabhu kaivasu DURGAMER nai hubochan ,Kai vasu vuncho vutmelocha? Yohan 3:14-15 vachanema dekach Adabima Mosey kuvatho sapnen vuncho padoko hanuj Manikyar Beta sada vuncho vutevalo cha. Vothi kunvatho viswas karachko vo seji Nash navaju Nithya jeevanema payesaru.

Aaj thu papema dukha badha velama chikaiko? Calvary siluvar saam dekastho Vu Prabhu DURGAMER nai hubaran balarocha. Yee siluvaparethi maap karer loyee nandir nai radan jaricha. Vomathij thona Dever krupanan,swathanthrathana, ajji Vor Ashishen palechi.

Durgamer nai hubojako Prabhu thona himmathethi rakadan jathan karesaru Pavithar Athman dememelocha. Thon jathan karesaru vu Prabhu soyenin anki tamkareniju vor bhakthidarevun dekrocha. Hanu durgamer dakal hachethi deklevalo jathan karevaler nai kesakker hathayenijathra jadaj mulgan apanesaru Baper dai araj karrocha.

Mar premer Dever beptavo thar saam dekaju BAAP Dev DURGAMER nai chajako Christhun sthuthi Karan dhanyawad kevnu.

Aji jada dyan Karen pado Geeder Grandh 121:4-5