Aug 22 – MARUP AMANA THOK HANBA DAKPHAM!

“Marup amana thok hanba dakpham adudi thajaba yabani,adubu yeknaba amana chuppibasidi minambani.” (Proverbs 27:6)

Asengba marupsingna nangbu nungshibagi dmakta nahakki asonba asoibadagi chumthokpinaba mateng pangnaba thoudang loukhatkani. Makhoina nahakki maramda mirakta keidoungeida haidokpa touroi adubu nahaki chaokhatpa amadi phagatlakpa adu uraga haraogani.

Adubu marup oibagi amadi amagi maramda mahousagi oina khangningba asi lannaigi damakta amadi tongjaba thinabagi ama oirakle. Mi amabu eina khangnarabadi eina tongjaba karigumba phanggani haina mi mayamna khallaga leire. Makhoigi lannaigi tongjaba phangnaba misingbu aremba wa ngangduna thagatsinnaduna marup semli. Adubu aroibada Judas Isriot na chuptuna Prabhubu yonthokpagumna makhonasu asengba gun takthokli.

Kanagumba amana asengba marup phangge hairabadi mahaknasu mahakki asengba thamoidagi nungshiba yenthokkadabani. Nahakki asengba nungshibagi mapanna tellaba matamgi manungda asengba nungshiba mayam khomba yai. Asengba nungshibagi mapanna phangba marup mapang asi kuina leigani. Nahakki marup mapang oibagi  mari asi phajahange hairabadi nahakna marupsingga matam kaithoktuna matam lenminnou. Thamoi sengna makhoigi awa nungai hangbiyu. Makhoiga hakthengnana wari sanaba ngamdrabasu phone  call touduna makhoibu nungshi haiba phongdokpiyu.

Prabhu Jesuna nahakka marup semnaba nahakpu thiduna thong yeirakpani. Mahakna asumna hairammi, “kanagumba mi amana eigi khonjel taraga thong adu hangdoklabadi, eina changduna mahakka chak chaminnagani, aduga mahakna su eiga chak chaminnagani.  ” (Revelation 3:20).

Nahakpu nungshibagi damakta Prabhuna swargagi phambal thadoktuna taibangda laklibani,aduga Mahakki mamal yamlaba ee katthoktuna Calvary crossta sibikhibani. Asukki chaoraba nungshiba adu eikhoina karamna laman singba ngamgani. Nahakna marup amagi mari gi maramda mayek sengna khangninglabadi Christagi nungshibagi maramda thinjinbiyu.  Calvarygi nungshiba adu gi maramda munna wakhal toubiyu aduga Iswarbu thagatlu,aduga madugi nungshiba amadi marup oiba gun aduna nahakki thamoi adu thal hallu.

Jesugi nungshibagi maramda yamna nungsiba esei  ama leirammi, maduna asuma hairi, O , nahakki nungshiba wasak, hongba naidaba aduna eibu lamjingbiba oisanu. Nahakna masigi esei sakpa matamda Iswargi nungshiba aduna nahakki thamoi adu nouhangani. Iswargi machasing madugumlaba nungshiba adu nahakki punshida utthoklabadi, nahakki nachin nanaosing adu nahakki damakta bor oirakkani.

Dhyan tougadaba, “nungshibana kuina khangi aduga nungshiheibani,nungshibana kallakte,nungshibana napan toude,” (1 Corinthians 13:4).