Aug 22 – AHRAM ISOR LAGA!

Matthew 11:28 “ahibi Ami te, sob apuni jun dukh  kore aru bhari bhar buke, aru Ami dibo apuni ke ahram”.

Isor pora kosom dishe Tai laga ahram ke dui ta te Purana aru Notun Niom. (Exodus 33:14 aru Matthew 11:28). Itu karone, janibi ki ahram ase amikhan laga jonom adhikaar. Itu ase dangor kosom ki Isor proa dishe amikhan ke; aru itu ase swargor ashirbaar.

Isor laga mata “ahi Ami te”, itu ase khali rasta ase ahram laga. Apuni bi aru dukh aru bhagnor nahobi; na dukh bimar aru rog te; na jiyai dukh aru kanda. Isor koi, “ahibi Ami te”, pura morom aru hath phelai kene. Khali Tai dibo apuni ke ahram.

Jitya ekta jawan lok paishe durghatna ke, tai laga theng bhangishe; aru bishi jokhom hoishe  dusra theng. Tai dukh paishe bishi; aru bharti hoishe chikitsak te. Aru dusra theng tu bonaishe. Tai hili thake pura dukh aru bikhai kene. Tai laga dukh te, tai bhabishe morile bhal thakishe, inika bikhai thaka pora.

Dusra bisna te chikitsa te, ekta pondit Isor laga jun thakishe ilaj nimite. Tai dikhishe sob dukh khan ke utu jawan manu laga. Toh tai jaishe utu jawan laga ghor te,a ru hudishe ki judi tai gana gabole pare tai nimite. Aru tai shuru korishe morom pora, ekta tamil gana, juntu koi, “Isor pora bachabo apuni ke; Tai jun bachai apuni ki itya tok bachabo age bi. Itu karone chinta nahobi mon te”. Aru tai prathana korishe jawan manu nimite, hekh te utu gana laga.

Utu homoi te prathana laga, hath Isor laga dhuri thakishe utu jawan ke, aru tai shuru korishe kandi bole. Tai thakishe swargor ahram aru shanty ke mon te. Isor pora bodlai dishe sob tai laga dukh aru bikha ke; aru tate bishi bhal hoi jaishe swath te. Tai aru tai laga ekta theng nathaka ke dukh nakora hoi jaishe.

Ki karon ase Isor laga kosom diya te Tai laga ahram laga? Itu ase kilekoile, Tai jonom hoishe dukh pora, ami khan bikha, ami khan laga rog aru galti khan ke kruste. Kilekoile Tai bhnugishe dukh ke, bikha ke, ninda ke aru Tai khali amikhan laga dukh ke jana  nahoi hoilebi tagot ase mukti dibole apuni ke utu dukh khan pora amikhan laga jibon te. Itu karone Tai mate ami khan ke morom te: “Ahibi Ami te, sob jun apuni dukh kore aru bhari bhar ase, aru Ami dibo apuni ke ahram”.

Aji dhyan koribole laga pobitro kotha tu hoile 1 Kings 8:56 “ashirbad ase Isor ke, jun pora dishe ahram Tai laga manu khan ke Israel te, hisab te sob ke ji Tai pratigya dishe. Tate ekta kotha  bi misa na sob bhal pratigya pora, juntu Tai pratigya korishe Tai laga naukar Moses dwara”.