Aug 21 – Tanegaijan!

“E on-hen, angante pintu maranji d’ong-nam tergaiteji, antate aman ordedong” (Bangsa Hanang 1:10).

Sonuman dirna-maran a d’ong tergaite agadluben asan. Anin d’ongben ordardage aganijmadan batte kurle absidtaben, do a tanakudban barij pintu-lingan tusitaben. Anten asan Kitungan amandranji jznjzn murdardam dile ayam kilkil-ling adakunaben dete. Angajanang aninji kanuran deleji, aninji kun akanuran pudle ayarnaben dete. Bogad amben sarigoi adlumlenden, ajardin d’ongben pintun ganun-lingan ganadlun debenten.

Kun ambrij, aninji bo jananban engale kuddub manengban ajanabanji kadhitte. Kun janabanji batte aroyanji larlarmaddateji, do anangte aninji yirtaiji do galuteji, aninji kadhiteji. Amben gijle arabtite jajingante ate akahidlenji kun batte ate.

Kun ambrij, kumbalan ahamben abmele bo haramhaman danakun dete. Kun batte anin galute. Kun batte anin kahidtte. Engale anin yirte do gante asanaruman batte, bo surda karahidan hangte.

Butente butente hamyoban yirteji, bubudan haramyo-lingan dakule kuryotenji ayon a d’ong akurben asan, do ayon kun batte kanuran dete, do atanakudban anin hanaman do karahidban ardute.

Ateng mandranji daku butente aninji abrijtenji bigarda bigarda jananban, iteja ergijlabe, bubudan ja kan ambrij galute daruna-lingan, engale aroyon ambrij, kumbalan do ayon. Aninji kanurkur-lingan agaluben asan saile dakutenji, kinsanan do abrunan batte. Do atanakudban, aninji galuteji erobjongdage engale aroyan do ayonji, orde adanganji ja. Bibolan gamte: “Iten asan gamlenden pintun a badin karahidan, bindo Kitungan asuyem taniyan Gamangtung—len Jisu Kristu lingan er ahidan a mandreng- nan na” (Romi 6:23). “Pintuna lumten a pwrardan kahidte” (Ezekiel 18:20).

Bibolan gamte bangsale angaja bogad amben pintun alumben d’ongben saileja. Gijba yangam Dolilla Samson a d’ong gijgijle, do kuddub umdrengle yirba. Anin na ranaptin, atanakudban boi boi kalkaldam, engale ganarojan do manahang-maran, Engale anlen gijtabe Gehaji do Judas Iskarit, butente galute, gankiban Kitungan a d’ong engale!

Okiy Kinolbe absele: “GAMANGtungan amangban banantongan, ganalaman a sanusun, bindo keka maranji banuddin do hanangan pudyingteji.” (Bangsa Hanang 1:7).