Aug 21 – KAM PURO KARAJEMA ARAAM MALACHA

Hebrivalun 4:10 Kimkatho- vor araamema gojako, Dev vor Kamen sey puro karan araamena leldoju, vu sada vor Kamen sey puro karan araamena lelacha.

Bap Dev kannai ma haargochu nathkan ma thakgochu Kan araam lidokoni. Kanna Dev srustin kidoko Jana dharthinan asmanen voma chajako sejini 6 dadema karnako. Dev kidojako Kamen 6 dadema puro karnaken yesey hachaj Kan kethanu araam leldo Kan dekacha.  Vuj Dever araam kacha, vu manikyar nai araam levalo koni. Jethi Yeshaya 40:28 vachanema srusti Kartha Dev hamesha revalo harenin manna dher vegicha Kan kannai keni.

Dharthipar chajako heryek manikyan Dev yek Kamen demelocha. Vuj Dev apan vor khatharenan vor vuddesher nai banchan vor rajyamema jada Athmavun kamavnu Kan Asa karrocha.

Lapan thodsek yee sosen chonaken ma hargochu Mar jeevada dher vegicha Kan Dever asan bhuljavu karacha. Yee vatema chalthey chalthey vunder athmik jeevanema dher vejathanu lasten Deven bhuljathanu hoto dagarjavu karacha.

iYesu yee dharathipar vethojana vor Bapen dekan Yohan 17:4  vachanema Bapu Karen Mar hathema thu dinojako Kamen bharpuro karan yee dharthipar thona hamima kidochu Kan ko. Thar hathen sada Dev dinojako jeevanema vor khatharena puro karatho thon araam malacha vu hamesha rajako Dever araam payechi.

Yek sarkarer pariksha lakkevalo  vidyarthi vu agediyathi hachethi vanchan siddhavagi ratho vor pariksha lakkajana dhairyavagi lakkacha vuj siddhavagi naraju ratho pariksha rajana vona bhari dhak lagacha.

Mathai 25:1  vachanema Dass kumaar choriyo vethuduna yedurkunlena gethey. Vundema 5 Genethi rethanu vunder sath buddima thelan lagadena anagaren lelen thayarethi vethe. Vujjek 5 gen cheniju rethanu vunder sath buddi vethi lapan lagaden thel vethikoni. Hannu vethudu ayojana thayar ven rajako dhairyavagi mundag dhasan ge. Thayar ven chenijako dusar chodage Kan dekacha. Jethi thu kanna Dever sannidhima siddhavagi rechiko jannaj thu araamethi Dever Dai rechi

America hach khabar kevalo D. L. Moody vor moter manchapar vethojana Yee jagsari hoto dagarjaricha, Dever Rajyam mathram Dai vericha. Vuj maro jayamero abhishek payer dado! Janna maro Dev vor hathemathi Manna bahumanen dacha,  vu kathra mahimaro dado kunika! Kan kethahu araamethi Margo Kan lakkamelecha. Maro Premevalavo Prabhu Yesu Ayer dad Dai cha jethi siddhavagi renu Kan kerochu.

Ajji jada dyan karen pado  Geder grandh 37:37 Nirdoshina dek, saspanena dekthora, Raji karevaler valad budjavacha.