Aug 20 – GHERAU KORA TAGOT LOGOTE!

Psalm 18:32 “itu Isor hi ase jun laga hath ami ke tagot diye, aru bonai ami laga rasta thik”.

Gherau koribi nijor ke Isor laga tagot pora. Tinihoile hi apuni pura koribole paribo tagot thaka aru dangor kaam khan Isor karone. Itu ami khan ke achurit pora bhorta kori diye puribole Caleb, jun hi gherau kore nijor ke Isor laga tagot pora, tai laga bura umor te bi jiti bole pahar laga jaga ke. Itu nishina hi , ami khan pora kinika Gideon jitishe midianites khan uporte, tai jaishe olop tagot logote aru Isor laga upastiti te.

Sabi anubhav David laga. Ek phine, tai gherav korishe nijor ke tagot pora judho ke jitibole nimite.a ru dusra phine, tai nijor ke tagot korishe mahima aru seva te Isor laga. David jun hi khali ekta charwaha, parishe morabole bhalu ke aru hingo ke juntu tai laga hera khan laga khilaf te ahe, kil koile  tai gherau  kore nijor ke tagot te upor  pora. Itu karone tai goliath uporte jitibole parishe, aru paishe jit sau tai raja khan uporte. Itu Isor hi gherau koribo apuni ke bi Tai laga tagot pora, aru Tai laga kotha pora, Tai laga uphar pora aru Tai laga shakti pora.

Psalm likha David pora koi: “itu Isor hi ase jun laga hath ami ke tagot diye, aru bonai ami laga rasta thik” (Psalm 18:32). Podh 39 te tai koi: “ kilekoile apuni dhurishe ami ke tagot pora itu judho karone”. Jitya sipahi khan tayar hoi judho nimite, tai kyhan tan pora gherav  kore tai khan laga komor ke, kilekoile itu hi tai khan laga maje laga tagot ase.

Amim khan laga Isor koi: “hobole dibi gherav apuni laga komor ke…” (Luke 12:35). Chela paul itubi likhe: “khara hobi itu karone, gherav kori kene apuni laga komor ke hosa pora, lagai kene kawach dharma laga” (Ephesians 6:14). Chela paul pora koi: “itu karone, gherav koribi hingo khan ke apuni laga dimag laga” (1 Peter 1:13).

David pora hi, Isor pora dangor korishe himina khan Israel laga. Sob din khan David laga, bitaishe dangor judho khan  te philistine aru amalekites khan logote. Pobitro kotha te koi ki David dangor hoishe tagot pora tagot te (2 Samuel 3:1). David laga gawahi te dangor hua tagot pora tagot te, itu karone tai kobole parishe: “kilekoile apuni dhurishe amike tagot pora judho nimite; apuni pora dubai dishe tai khan ke  ami te jun khan ami laga khkilaf te khara korishe” (Psalm 18:39).

Isor laga bacha khan,apuni khan khara kori ase judho laga mati te, juntu apuni laga Christian jibon ase. Itu gau, prithibi aru satan narukhi kene apuni laga khilaf te judhom kori ase. Itu judho hoi thakibo apuni laga akhri saans tok. Khali khara kori kene apuni laga ghutna te Isor laga upastiti te hodai phujir aru bhabna kori kene Isor laga pobitro kotha uporte, bonabo apuni ke safal itu judho te. Atma laga shakti bishi zaroori ase apuni ke khara kori bole pap laga khkilaf te aru safal koribole.

Aji bhabna koribole laga pobitro kotha tu hoile Habakkuk 3:19 isor Jehovah hi ami laga tagot ase, Tai pora ami laga theng ke bonabo horin laga theng nishina,a ru Tai pora ami ke berabole dibo ami laga uncha pahar te.”