Aug 19 – Tamlung Bassengba Luluna!

“Tamlung bassengban latsole yerten a maranda jontu ambrij, Gamangtungan a Janggardan aninji a d’ong ablulunaeten” (Jisaiya 63:14).

Israel maranji bo yagi neban murdadage maneteji. Aparamangtan do jznjzn murdaman ate oliba neban, itente gadlamlangten aboi Janggardadage amandrengna. Anab-bagu ate lua-neban, itente daneben asan saiteji. Do anab-yagi ate, drakyadan, itente birindan abmele gadlamte. Israel-maraanji anin drakyadan amuka isngbanji guleji, do a j’on batte aninji man’oihan hangteji. Aninji alumuban goben abmele hangleji do drakyadan ja.

Angante uyungan tagidete ayam-lingan, Kan a berna-lingan, Kitungan gamle “dukri-nam s’ing-ling-nam barij j’on a j’oten a drakya lanaman ambrij dete”, do kan a berna dukri aboi bo surda manoihan pangtai birinda-lingan (Jisaiya 63:14).

Enegoi lan batte daku, barij j’odage drakyadaabmete, English batte, kan a bernan banandan dele ‘sing-lingan orde alunsing-lingan’. Dukari birinda-lingan, barij j’odage bairan do alungsing-lingan do man’oihan pangtai a tanongban do a pasijanji amangban. Aparamangtan abaran dukarin, ateng baranji lumle a dane pangte barij (Ayob 23:10). sing-lingan do pasijanji abmele sagalte. Kan a baran, ayirtihen a dinna ayam-lingan a bernan abmele kuddub anin lumte oskaite.

Aboi bo dangardin dakule, danukkan batte, ayangan adtiad itente anin saile. Kun atogal, anin Kitungan amangban garberlen, gamle, ‘Kitung okij pasijan tiydong u’a-yang-henji a d’ong, aninji sanagalan adgalamaji Aman a d’ong tiylen ambrijted’. Bogad amben sanagalan adgalamlenden, angante anin surdateji, arasudan do danukkan sattang maihan yirtai. Engale anobjongan dele j’odage a drakyadan neban, bibolan gamle barij bangsa beran do bangsa dukarin abmele (Sanenken 105:37).

Drakyadaneban barij yaryarmanegban dakute sing-lingan. Kun ambrij, birinda-lingan a dukarin barij asagalben dete (Sanenken 37:23). pasijangji abmele do amandrengnaji ja abmele kudduban abmele. Inslon barij tiydamna batte lumte. Kan ate ajardinna jznjzn murdadaman abaran kuddub abmele.

Do Kitungan amangban anabhana! Birindaben, anabsitta-lingan dakupo, Orde agabriben dete, Tanahimdam Kitungan a onagji, Kitungan birindaben absittate. Kun a d’ongdage, ordran do sonuman amben batte sanuling daku. Kan a sanu karahidan sikoija dakute. Turdumle amben a garberlenanden.

Okiy Kinolbe absele: “Onggikab-nam a pangben asan bogad buteja aman ampara bitsara- singban a yerben itsumlenden, anin a d’ong garusaikab-nam janang tiya. Bar buteja bo mail a junjunben asan roppin abmelamenden, anin ampara bo kosu sikkoi ja yera” (Mattiu 5:40-41).