Aug 19 – Ranaptin batte Rabdudamna!

“Butente d’ong-hen rabdutih do Butente hen a godan rojol abmete, Anin na Kitungan.” (Sanenken 18:32).

Kitungan a ranaptin batte a ubmanaba. Eteden amben barij Kitungan a ranaptin batte anabtagoran debenten. Kaleb abmele kznoltabe, anin rabdudamten Kitungan a ranaptin batte, a talaiban ayam janang. Kun ambrij, angante anlen kinoltabe Gidion abmele Midianites, angante anin yireten asui aranaptin batte do Kitungan atanurdun-lingan, kan Kitungan aranaptin abasudate.

Gijgijba Daudo abmele, ba manengba, anin rabdudamneten asanunaben asan. Do bo manengba ate, Kitungan a d’ong abgugule senkendrale rabdudamneten. Daudo, butente gupamed-mar, anin asuneten ayengan ajontunji ajumben asan kammedanji a d’ongba yiraiji, engale rabdudamlen ranadun batte lanakkaban. Aten asan anin goliath a d’ong kabhidle, do rabdudamlen daina hangle ateng rajanji saring. Kunin a Kitung d’ongben ja rabdute aranptin batte, do a bernan, ataniyan do aranaptin batte.

Sanenken Daudo gamte: “Butente d’ong-hen rabdutih do Butente hen a godan rojol abmete, Anin na Kitungan.” (Sanenken 18:32). Etigoi 39 a berna-lingan: “Aman d’ong-hen sanun apsele ranadun tiylih, do bera mar-henji a lanangka dainan tiylih”. Angante sanumaranji oskaitenji sanunaben asan, aninjinrabdudamlen, anten asan aranaptinji batte sanutenji.

Kitunglen Jisun gameten: “Dia-benji janidubnan de-ete…” (Luk 12:35). Anappai Pol janang Idolle: “Anten asan dia-benji janardin batte jam’duban dean dele, ranoitadan a mayong ranotud-darangdang luangge rotudba” (Episi 6:14).Anappai Pitor gameten: “Anten asan j’e benji a dian jiduban jidublen ambrij, kilkillen adlinglen dakunaba” (1 Pitor 1:13).

Daudo batte, Israelanji atannodan abawrle. Dile dinnan Daudo, barij sanun batte royongan pilistianji do Amalekitesji batte. Bibolan gamte Daudo ranadun batte marangle (2 Samuel 3:1). Engale Daudo a sakkiberan ranadun ranaptin batte, tanangle: “Aman d’ong-hen sanun apsele ranadun tiylih, do bera mar-henji a lanangka dainan tiylih” (Sanenken 18:39).

Tanahimdam Kitungan a onagji, amben sanu-lingan atanangle, itente Kristu mandrengna. Kun a d’ongdage, ordran do sonuman amben batte sanuling daku. Kan a sanu karahidan sikoija dakute. Turdumle amben a garberlenanden, dile tagaldaban do Kitungan a berna kznolle. Sanulingan etiden daina ahangte. Janggardage aranptin jznjzn murdadagena amben atanangben asan pintun saring daina ahangben dete.

Okiy Kinolbe absele: “GAMANG Kitungan ranapti-hen. Anin j’eng-hen bo pargardaban a j’engan ambrij abmete, do langka darakuna linganji d’ong-hen erabmuij abhanate. Kuni murda kanenken maran apsele; anin tige-raij-henji handramete” (Abakkuk 3:19).