Aug 19 – AHRAM KORIBI GHATI TE!

Isaiah 63:14 “jinika ekta janwar jai niche ghati te,a ru Atma Isor laga hobole diye tai ke ahram te”.

Bishi upar niche tahkie jibon te kunuba manu khan laga. Homoi te, tai khan anondo kore pahar uporte. aru kunuba homoi te, tai khan thakibo gehra ghati khan te aru suku pani te. Kunuba homoi te tai khan thakibo dhani;a ru kunuba homoi te tai khan hobo dukhiya, iman tok bi ki dhar lobule laga tai khan laga dorkar khan ke pura koribole. Aru homoi te tai khan hobo anondo prashansha aru seva te;a ru dusra homoi te tai khan ghurabo khilaf te Isor laga.

Hoilebi jun khan berai ghati te Isor  Jisu laga, anubhav koribo ahram. Isor mate Tai laga dulhan, jinika lily khan ghati laga. Hoi tate hosabi ahram ase ghati te. Nabi Isaiah pora koi, “toh apuni loijai apuni laga manu khan ke, bonabole nijor ke mahimajanak naam” (Isaiah 63:14).

Jitya apuni dhure hath ke Isor laga aru berai biswas te ghati te, apuni najanibo kote apuni jai ase nahoilebi kote apuni rukhibo agla din te. Tini hoilebi, job jinika –manu Isor laga, apuni kobo pare biswas pora: “hoilebi Tai jane rasta juntu ami loi; jitya Tai ami laga porikha loi, ami ulai ahibo sona nishina” (Job 23:10). Dharmik dhaina hath Isor laga loi jabo apuni ke achurit pora. Jitya apuni berai dhuri kene Tai laga hath ke, apuni sabo chin khan, achurit aru chamatkar khan apuni laga  sob rasta te.

Jitya isarel bacha khan ulai ahishe Egypt khan laga bandhi pora, tai khan iku bhabna thakanai ki kote tai khan ke loi jai ase, kinika tai khan pungchibo tate, ki tai khan koribo tai khan  laga khana nimite na pani nimite. Hoilebi tai khan khali nirbhar  korishe Isor ke aru pura biswas thakishe ki Tai pora loi jabo tai khan ke. Judibi tai khan bearish iman juli ja gorom te suraj laga, nahboilebi thanda te sardi laga, isor dishe tai khan ke khuta badal laga aru khuta jui laga dibo le tai khan ke ahram. “aru tate kun bi komjur thakanai Tai laga jati te” (psalm 105:37).

Pobitro kotha te koi, “kadam bhal manu laga adesh diya ase Isor pora, aru Tai khushi pai tai laga rasta te” (Psalm 37:23). Aru kunuba trans lation  te inika koi: “kadam dharmik manu laga thik hoi adesh te Isor laga”. Isor pora aru ekbar dibo apuni laga atma ke; Tai loi jabo apuni ke rasta te dharmik laga Tai laga naam karone.

Toh, judi apuni lage ahram apuni laga atma karone, apuni dibo lage apuni laga rasta ke aru kadam khan ke Isor ke. Judi apuni iacha kore mukti pabole kunuba samasya khan pora,a ru pabole shanty ke aru anondo apuni laga mon te, apuni dibo lage utu zimedaarbi ke hath te isor laga.a ru Tai pora loi jabo apuni ke ghati te ahram laga.

Aji dhyan koribole laga pobitro kotha tu hoile Matthew 5:40-41 “judi kunuba icha kore apuni ke silabole aru loi jabole apuni laga kapra ke, lobule dibi tai ke apuni laga kapra bi.a ru jun bi icha kore apuni ke jabole ek mile, jabi tai logote dui.”