Aug 18 – Manani-lingan Luluna!

“Bar bute bute meddeleji, aninji sadan sadle, Aninji anga. janang Iuluna-ling-Hen agganeji, gamle buten a d’ong Anin jzbjzble gameten?” (Ebri 3:18).

Tanimyimdam Kitungan barij putin gabdile, do barij dane dile janab-lingan a daneben asan tiylai. Angante Anin baile gameten, “Panuangan dea”, tette panuangan dele. Uyungan, angaijan do kuddub tuituijanji kun ambrij ganabdilan dele (Ebri 3:19).

Kitungan itsumle adane do barij aranaptin mandran amanglingan atiyben. Anten asan Anindaman ambrij Mandran a d’ong gabdille. “Bar Kitungan aninji a d’ong absittale gameten, Ganirsaian dean dele, ateng birindan deba, bar ordaran badrijan badrijle, dane-ling-ben dakkuba

Do d’a lingan ayonji, do riang lingan ontidanji, bar ordar lingan a kuddub janab pwrardanji, kan kuddub a lanangka danenaba, Sanenken gamte: “Aman s’i-Nam a lanumanji a lanangkan anin a d’ong tabngijle. Kuddub ganabdel janabanji”. “Anablu-Nam batte anin a ganugun surdadam.

Aman anin a lanangka ganugun do panemengan tiyle”. “bar Aman ganugun do panemengan batte anin a d’ong abrubboble”. Anin san’zdan saring mandrengna-nam tandzte (Danesam 20:24). Anin erztna tanimyiman do anabasuyeman a ranubboban batte d’ong nam abrubbobte”.

Adam do Oba galamlle adraptiadji a ranaptin do adanenji itente Kitungan a d’onganji a d’ong taniyan dele. Aninji itente sonuman gametenji antate maneleji, pintu-lingan galuleji, do Kitungan a d’ong admaneadji.

Aninji galamle adraptiadji ganugun do panemengan. Atikki, mandranji alanankkaban taniyiman apsuile. Itente Adam abs’zdle ganugun do panemengan Edon Kuttan saring antate adyerben abmele erreguile (Bagujuanaber 8:20).

Tanahimdam Kitungan a onagji, itente Kitungan d’ongben tiyeten kun abmele ogandiba ranaptin do dane. D’ongben ganugun do panemengan ranubboban tiyeten j’e-ling-ben. Akaridadong Kitungan aanabboban. Manarid-lingan basuba do manarid-lingan abhananaba. Do Kitungan rubbabtaben tanimyiman, asuyeman do barij sanayaman batte. Anten asan Anindaman kubdamlen Kalobori arakaddang-lingan. Karahidan batte, sonuman batte sanulen do rajan akarahidan batte (Pllipi 2:8).

Anin karahidban do kun batte. Nami, Anin d’ongben ranaptin do dane atiyben itsumte, do ruangan a rajam-lingan. Anin jzbjzble d’ongben, gamle: “Ruang rajaman a ranzsanganji d’ong-nam tiytai. Itente ordar lingan aman tolbadte, antate ruang lingan tanolbadan dete, do itente ordar lingan aman aburte, antate ruang lingan anuran dete”.

Okiy Kinolbe absele: “Bar Anin hadab delen asan Anin a bernan a manneten a mandranji apsele er ahidan a ranabraban a Ganabdel Maran dele” (Ebri 5:9).