Aug 17 – PHAL DHORA DAHL!

Genesis 49:22 “joseph tu ekta phal dhora dahl thakishe, ekta phal dhora dahl kuhaan usorte; tai laga theni khan himina paar kore.”

Tai laga bura umorte, Jacob matishe tai laga Barohta putro khan ke aru ashish korishe tai khan ke. Utu ashish khan ahishe kotah nishina drishti laga, tai khan laga aru tai khan laga aha pushti khan karone. Itu upor laga podh te ase kotha khan ashish laga tai laga putro Joseph karone.

Jitya apuni sai joseph laga poila din khan ke, tai khan pura dukh pora bhorta thakishe. Joseph laga ama pora taike utu naam tu dishe motlob ‘Isor pora pora milai dibo’.  Itu tai laga ama laga icha thakishe ki tai ginti te barhi bole aru tai laga himina khan dangor hobole. Kile koile tai laga ama tai ke bishi saal te buki bole parishe, tai pora tai ke bishi morom korishe. Hoilbei, tai mori jaishe jitya Joseph bishi chutu thakishe. Kiman bi dukh laga kotha ase ekta ama laga morom ke harai loa tu iman chutu umor te! Joseph bi mon te tita lagishe pare sob homoi te bhabna kori kene tai laga ama laga.

Itu ekla nahoi kene. Sob bhai khan Joseph laga tai ke bishi biya pora vyabahar kore tai ke suku joli kene. Khali tai ke suku jola ekla nahoi kene, tai khan taike bikai bi dishe ekta naukar hisab te vyapari khan ke. Kilekoile tai ekta anath nishi thakishe ami khan Isor taike bishi morom thakishe El-Shaddai nishina. Tai hi ase Jun taike morom korishe Tai laga ama laga morom nishina. Tai dekh bhal kore tai laga bacha khan ke ekta baba nishina. Aru Tai apuni ke morom kore apuni laga bhai pora bi bishi.

Isor pora Joseph ke kitya bi chari diyanai aru tai ke asish koribole mon thakishe ekta phal dhora dahl nishina. Tai shuru korishe kotha koribole Joseph logote rati homoi  te. Tai narukhi kene tai logote kotha kori thakishe sapna aru drishti khan pora. Ekbaar joseph ekta sapna paishe ki suraj tu, chand tu aru egharo ta tara taike salam kori ase.

Aru alag homoi  te, tai sapna paishe ki anaj laga muthi sidha khara hoi ase aru tai laga bhai khan laga muthi khan tailaga anaj ke jhuki ase. Isor pora tai ke bishi sapna dishe aru tai ke dilasa dishe. Isor laga bacha khan, isor apunikhan ke bi morom koribole mon aru ashish koribole mon aji.  Tai udesh kore Tai lag mon te ki apuni ke khara koribole ekta phal dhora dahl nishina. Dhonyobaad dibi aru mahima koribi Isor laga kilekoile Tai apuni ke khara kore ekta phal dhora dahl nishina.

Aji bhabna koribole laga popbitrno kotha tu hoile Revelations 22:2 “rasta laga majete, aru dui phine nodi laga thakishe ekta jibon laga gash, juntu dhore barohta phal, duita bi dhore tai laga phal  hodai mohina. Itu gash laga pata khan desh khan ke changai di thake.”