Aug 15 – HARAI JA AHRAM!

Job 3:25-26 “kintu saman juntu ami bhoi korishe ahishe ami uporte, aru ami ki bhoi korishe hoishe ami logote. Ami nai ahram te, na ase ami chup; ami nai iku ahram, kilekoile dukh ahishe”.

\Isor laga bacha khan pabbo lage ahram, aru thakibo lage utu ahram te. Tai khan ahram koribo lage utu ahram ke anondo te seva aru prashansha kori kene. Isor ekla hi dibo pare ahram. Tai pratigya dishe koi kene, “ahibi Ami te, aru Ami dibo apuni ke ahram”.

Bhoi hi ase sobse poila saman ji pora biya kore ahram ke. Job – Isor laga mnau koishe, “kintu saman juntu ami bhoi korishe ahishe ami uporte, aru ami ki bhoi korishe hoishe ami logote. Ami nai ahram te, na ase ami chup; ami nai iku ahram, kilekoile dukh ahishe”. Apuni khan kitya bi nadibo lage nijor ke atma te bhoi laga; na bonibo lage naukar paap laga.

David koi itu karone tai lagaanubhav pora, “ami bisare Isor ke, a ru Tai hune ami ke,a ru bachai ami kea mi laga sob bhoi pora” (Psalm 34:4). Itu karone, bisaribi Isor ke din te jitya apuni kore bhoi; aru matibi Tai ke. Pobitro kotha te,a mi khan pai bishi baar jote Isor kotha koishe Tai laga pondit khan ke aru koishe inika, “bhoi nakoribi, kilekoile Ami ase apuni logote; nabhobi chinta, kilekoile Ami ase apuni laga Isor. Ami tagot koribo apuni, hoi, Ami modot koribo apuni ke, Ami dhuribo apuni ke Ami laga dharmik dahina hath pora”, “Ami hobo apuni laga tagot aru apuni laga kwacha”, “Ami ase Tai jun jiyai thakishe, aru murishe, aru thakibi, Ami jinda ase hodai din karone.  itu karone, tate iku dorkar apuni karone harabole apuni laga ahram ke kilekoile bhoi karone.

Pobitro kotha te koi, “Kintu Isot pora diya nai ami khan ke atma bhoi laga, hoilebi shakti aru morom aru bhal mon laga” (2 timothy 1:7). Pobitro kotha te itu bi koi, “kintu apuni panai atma ke bandhi laga arubi bhoi laga, hoilebi apuni paishe Atma ke godh lua laga jun pora ami khan kandi ulai, “Abba, Baba” (Romans 8:15).

Bishi manu khan ase jun khan bhoi kore tai khan laga aha din nimite. Bhoi inika pora ‘ki ami laga bacha khan ami ke chari dibo ami laga bura umor te?, ki ami lulahoi jabo, aru bisna te giri jabo? Bishi khan bhnoi kore mora laga din ke  bi.

Hoilebi judi apuni bacha ase Isor laga, Tai hobo apuni laga charwaha; dibo apunike sahas, akha aru utsah dibo. Aru titya apuni bi David nishina, paribo  ghosna koribole sahas pora aru kobo, “judi bi ami berai  ghati pora mora laga,  ami bhoi nakoribo iku biya; kilekoile Apuni ase ami logote; Apuni laga lathi aru loha, tai khan ami ke ahram diye” (Psalm 23:4).

Aji dhyan koribole laga pobitro  kotha tu hoile Hebrews 2:15 “aru charibi tai khan ke jun khan bhoio pora mora laga thakishe hodai din laga bhandhi te”.