Aug 14 – DANIEL LAGA AHRAM!

Daniel 12:13 “hoilebi apuni , jabi apuni laga rasta hekh tok; kilekoile apuni ahram hobo, aru uthibo apuni laga utaradhikaar te hekh laga din khan te”.

Itu naam ‘ Daniel’ mane ‘Pormeshwar ase ami laga nyayadish’ – juntu pora diye ami khan ke ahram. Hisab te tai laga naam laga, Daniel  jane ki Isor pora dibo nyay aru ahram,a ru rakhishe tai laga pura bisawas Isor te. Tai kitya bi lorai koranai tai laga nyay nimite, kilekoile tai nirbhar korishe pura Isor te. Aji, ami khan dikhkibo pare jun harai tai khanlaga ahram aru shanty ke kuchis kori kene tai khan laga badla ke sikhabole tai khan ke sabak.

Daniel jane ki pobitrota hi ase rasta ahram laga. Itu karone tai bonaishe ekta taan faisla tai laga mon te ki tai nijor ke moila nakoribo khai kene raja laga khan pora, nahoilebi daagras pora juntu tai khaishe (Daniel 1:8).

“Ami laga  Isor  pothaishe Tai laga duth khan ke aru bondh kori dishe hingo khan laga mukh khan ke, ki tai khan ami ke jokhom nakoribole, kilekoile ami ke paishe nirdosh tai laga aget, O  raja, ami koranai iku galti apuni agete” (Daniel 6:22). Jaiyai thaka ekta pobitro jibon, iku daagi nathaki kene – pora nabhangabo apuni laga uddesh ke kitya bi apuni laga bhabna pora. Itu pora anibo ekta alag tagot apuni laga jibon te. Itu karone kile Daniel kitya bi bhoi koranai nijor ke phealai dibole laga gufa te hingo khan laga. Aru tai ahishe jokhom nahoi kene hingo laga gufaa pora. Itu ase gawahi Daniel laga pobitrota laga: “Ami laga  Isor  pothaishe Tai laga duth khan ke aru bondh kori dishe hingo khan laga mukh khan ke, ki tai khan ami ke jokhom nakoribole, kilekoile ami ke paishe nirdosh tai laga aget, O  raja, ami koranai iku galti apuni agete”.

Daniel seva korishe honmaan logote ekta pradhan mantra hoi kene homoi te raja  Nebuchadnezzar, din khan te raja Belshazar laga, aru din khan te raja Darius aru raja Cyrus laga bi,a ru saishe bhal  pora ajyo ke. Tai prathana korishe ekta bhabna thaki kene bhar karone Israel manu khan karone; aru kaam korishe nirantar uthabole Jerusalem ke.

Tai laga budappa laga din khan te Isor icha korishe dibole ahram. Toh Tai pothaishe Tai lag duth ke dibole itu samachar ke Daniel: “hoilebi apuni, jabi apuni laga rasta hekh nahua tok; kile koile apuni ahram koribo,a ru apuni uthibo uttaradhikaar te hekh laga din khan te” (Daniel 12:13). “jun khan gyani ase jilikibo jinika ujala ase mati laga,a ru jun khan ghurai bishi ke dharmikta te jinika tara khan hodai din karone” (Daniel 12:3).

“titya ami hunishe ekta awaz swarg pora koi kene ami ke, “likhibi: ‘ashirbaad ase mora khan Isor te itya pora’.” “hoi, koi Atma pora, “ki tai khan ahram koribo tai khan laga dukh pora,a ru tai khan laga kaam khan pich koribo tai khan karone” (Revelation 14:13).

Pondit khan Isor laga kaam kori ase bhagor nalagi kene itu prithibi te aji. Fasal bishi ase hoilebi kaam kora khan kom. Itu prithibi ase jaga nahoi koribole ahrama ru ghumabole. Ami khan ke lage polabole bhagor nalagi kene Isor karone; aru phelabole guti ke susmachar laga. Isor laga bacha khan, jun khan phelai guti ke kanda te, katibo anondo te aru berabo rajasi te hodai din karone.