Aug 13 – PRAPTH KORIBOLE!

Philippians 3:10-11 “ki ami janibole Taike aru shakti Tai utha laga, aru milibole Tai laga dukh khan ke, janibole Tai laga moron ke, judi kiba tarika pora, ami prapth koribo utha ke moron pora.”

Itu podh te, ami khan dikhe mon icha kora chela Paul laga ginti koribole Isor ahibole lag ate aru pabole jibit hua laga moron pora. Tai nijor ke kimti te ginti kuribole mon jai aru nijor ke Isor aha te pabole mon jai, ji hoilebi.

Kunuba chatri khan tu bishi kuchis kore safal hobole tai khan laga porikha te. Tai khan laga nirdesh te ji hoilebi porikha ke paar kuribole hi thake. Jitya tai khan uncha poribole nimite college te jai, tai khan jinika hoilebi admission  pabole mon jai. Vyapari khan bi bikri koribole mon jai.

Kunuba khan tu khata rasta bisare jinika hoilebi safal hobole. Kunuba business kora khan bi diye ghus tai kyhan laga sale ke barhabole. Hoilebi chela paul pora kityabi khata rasta chuna nai. tai barhaishe olop tai laga homoi niji prathana aru upwas te, aru kaam korishe bhal koribole prathana jibon aru pobitrota ke. Tai laga suku khan thik thakishe pabole aru ekbaar utha te morom pora ji hoilebi. Sabi kinika tai mehsus kore ki tai rasta te hi ase itu laga yogata te uthibole nimite, chaudha chela bonai kene.

Itu hosa ase ki tai ke paishe tisra swarg te. Itu hosa ase ki tai dikhai Isor laga rahasya khan ke. Itu bi hosa ase ki tai beraishe bishi desh khan te girja khan ke khara koribole. Sob phine, tai pura yogyata thakishe, Isor laga chela matibole. Tai iman yogyata thakile bi, tai nijor ke nomro kore itu koi kene: “ki hoilebi ami prapth koribole lage moron pora”.

Tai itu bi likhe: “hoilebi judi ami nijor laga gau ke anushasan kore aru itu ke thik kore, nahoile jitya ami manu khan ke prachar kore, ami nijor hi ayogyata hobole thakishe.” (1 Corinthians 9:27) judi apuni laga inika icha ase nijor ke yogyata pabole, tini hoile ji hoilebi, apuni laga mon tu pobitrota bisaribo. Aru apuni polabo itu prithibi laga icha aru lobh khan aru barhi jabo apuni laga atma laga jibon te.

Kitya bi napahoribi ki apuni khan ekta daur te ase. Nahoile nijor ke sabi hodai din te, thik kotha rakkhibi aru polabi pobitrota laga rasta te, juntu mukut jibon laga apuni karone bonai ken ease manu hi loi loo. Poitro kotha te koi: “aru sob jun khan pratiyogyata kore inaam ke pabole bhugibo lage sob saman khan ke. Itya tai khan biya hoa laga mukut karone kore, hoilebi ami khan biya nahoa laga mukut karone kore.” (1 Corinthians 9:25)

Aji bhabna koribole laga pobitro kotha tu hoile Revelations 3:11: “thakibi, ami joldi ahi ase! Dhuri thakibi jitu apuni logote ase, ki kunbi apuni  laga mukut ke lobule naparibo.”