Aug 13 – Dzna!

“Do aninji kardun a d’ong gudingle gamleji, Uywble dzna, Anin gudingtam” (Mark 10:49).

Kan a berna-lingan, anlen gijtabe Anappai Pol a J’e-lingan arduben abmele adanisaman Kitungan adayartaih abmele do ardule karahidban saring yarmengben aberna gijtabe.

Anin aboi hangdrangdage gamle danisaman. Do Kitungan adyarnan abmele, itedeleja, Jajzngante apasijanji barijloge tiydamlen porikya-lingan dainan ahangben asan oskaitenji. Itedeleja kuddub baran atakkudben dete gamle tiydamtenji

Angante aninji college a kznolnaben abmele appali abmeteji. Engjanangden ajoinnaben dete gamle dirnan dakute. Tanimna maranji janang engajanangdelenden timben dete gamle anogandinji. Jajzngante a mandranji duina tangoran saiteji dainan ahangben asan (Luk 15:18-19). Surda surda kompaninji ja kun ambrij lumteji tanimnan alumben asan, Bindo anappai Pol kun ambrij adlumad.

Anin abawrle agarber mandrengna atiydamnaben asan, orde manaridan do amandrengna abawrben asan tiydamle. Anin asanengsengan dakule karahidan atikki ayarmengben dete gamle. Gijba yangam anin hangdrangdage dele yanarmengan abmele, barij mijgal bagu kambolanji aidollen atikki d’ongan ranabangan dele (Jon 6:37).

Kan ate ajardinna a d’ongan ranabangan dele anabyagi ruang-lingan. Ajaridnna kan ate aboi rumangdage do bo surda baran Kitungan batte. Kan janang ajardinna ateng sarebasingan gutulle (Episi 5:14). Kan ambrij, a d’ongan Kitungan anappai maran gamle ganudingan dele. Anin hadab deleja, Lagaddamlen gamle: “itedeleja, engadelejanang hen karahidan saring ayarmengben dete”. Anin janang idolle: “Bindo yante gamle bzgarda mandranji a dong hen oblenglaian a tiki. Udednang hendam tungna-jaia addeai pedde.

Kan banantongan asan hen dong-hen tzdtai, do dane- hen a jaitan antate boagtage dakkutai”. Bogad amben hadab adeben delenden. Itedeleja, manaridan abmele j’e-ben asaiben dete. Do amben kan ordardage saring abdrijnaben dete do Janggardadage a mandrengna ahangben dete. Akaridadong amben abdrijna-lingan daku gamle. Dile ayam ambendaman ualdmnaba, oskailen manarid gadban abdrijnaba! (Solomon a Kanen 2:10-11, 13).

Tanahimdam Kitungan a onagji. Mandrengna ranubaban batte d’ongben anurungan dete. Bibolan gamte: “Dele janang bute bute arbade yzrtenji, aninji kudduban abmele?

Okiy Kinolbe absele: “(E Jirusalem,) aman dzna, puanga; iten asan gamlenden panuang-nam yeraiten, bar GAMANGtungan a ganugun lanangka-nam puangte” (Jisaiya 60:1).