Aug 13 – Arduben asan!

“Yante gamle hen Anin a d’ong do Anin a yanarmengan a ranaptin, bar Anin a karahid imna lingan Anin ambrij dean dele Anin a satid samoihan a artanurdun imtenai. Yante gamle bogad enga dele janang karahid maranji a yanarmeng lingan hen rapti ardute” (Pilippi 3:10-11).

Kan a berna-lingan, anlen gijtabe Anappai Pol a J’e-lingan arduben abmele adanisaman Kitungan adayartaih abmele do ardule karahidban saring yarmengben aberna gijtabe. Anin aboi hangdrangdage gamle danisaman do Kitungan adyarnan abmele, itedeleja.

Jajzngante apasijanji barijloge tiydamlen porikya-lingan dainan ahangben asan oskaitenji. Itedeleja kuddub baran atakkudben dete gamle tiydamtenji. Angante aninji college a kznolnaben abmele appali abmeteji, engjanangden ajoinnaben dete gamle dirnan dakute. Tanimna maranji janang engajanangdelenden timben dete gamle anogandinji.

Jajzngante a mandranji duina tangoran saiteji dainan ahangben asan. Surda surda kompaninji ja kun ambrij lumteji tanimnan alumben asan. Bindo anappai Pol kun ambrij adlumad. Anin abawrle agarber mandrengna atiydamnaben asan, orde manaridan do amandrengna abawrben asan tiydamle. Anin asanengsengan dakule karahidan atikki ayarmengben dete gamle. Gijba yangam anin hangdrangdage dele yanarmengan abmele, barij mijgal bagu kambolanji aidollen atikki.

Kan ate ajardinna a d’ongan ranabangan dele anabyagi ruang-lingan. Ajaridnna kan ate aboi rumangdage do bo surda baran Kitungan batte. Kan janang ajardinna ateng sarebasingan gutulle. Kan ambrij, a d’ongan Kitungan anappai maran gamle ganudingan dele. Anin hadab deleja, lagaddamlen gamle: “itedeleja, engadelejanang hen karahidan saring ayarmengben dete”.

Anin janang idolle: “Bindo yante gamle bzgarda mandranji a dong hen oblenglaian a tiki, udednang hendam tungna-jaia addeai pedde, kan banantongan asan hen dong-hen tzdtai, do dane- hen a jaitan antate boagtage dakkutai” (1 Korintian 9:27). Bogad amben hadab adeben delenden, itedeleja, manaridan abmele j’e-ben asaiben dete. Do amben kan ordardage saring abdrijnaben dete do Janggardadage a mandrengna ahangben dete.

Akaridadong amben abdrijna-lingan daku gamle. Dile ayam ambendaman ualdmnaba, oskailen manarid gadban abdrijnaba, mandrengna ranubaban batte d’ongben anurungan dete. Bibolan gamte: “Dele janang bute bute arbade yzrtenji, aninji kudduban abmele Judamtenjif Yahte gamle aninji bo anabszd ranubboban rapti hangteji, kun apsele antate 1umteji,bindo anlen bo er anabszd ranubboban a hangben asan ajudamtenai” (1 Korintian 9:25).

Okiy Kinolbe absele: “Gija, Hen umengloge yertai. Yante gamle buteja raja ranubbobnam appange, kun asan itente aman bangle antate bangsale hamle dakkua” (Anabpungge 3:11).