Aug 13 – AHRAM BISARA TE!

2 Chronicles 14:7 “ami khan bisarishe Tai ke, aru Tai dishe ami khan ke ahram sob  phine pora”.

Raja khan laga din te, khas korikene Solomon, Jehoshaphat  aru Asa  laga, tate shanty aru ahram thakishe mati te; aru manu khan thakishe khushi. Aji, ahibi dhyan koribo itu ahram ke din khan te Asa  laga.

Itu hobdo ‘ Asa’ motlob changai. Aru itu laga upai ase ki tai dishe itu Israel manu khan ke ‘bisaribole Isor ke’. Hisab te jitya tai khan bisarishe Isor ke, Tai dishe tai khan ke ahram aru shanty sob phine pora. Hboilebi, tai khan itu homoi ke ini phelanai hoilebi kaam pora cholaishe.

Raja Asa  koioshe tai laga manu khan ke, “ahibi bonabo itu nagar khanke aru bonabo bera itu laga kinarte, minar khan, dorja khan  aru loha laga dnada, jitya itu mati ami khan agete ase, kilekoile ami khan bisarishe isor kea mi khan laga Pormeshwar ke; ami khan bisarishe Tai ke,a ru Tai dishe ami khanke ahram sob phine pora.” Toh tai kahn bonaishe aru unnati korishe” (2 chronicles 14:7).

Raja Solomon nirantar bisarishe Isor ke tai laga din khan te. Aru utu hbomoi te ahram laga, tai bonaishe ekta gaurav mai mondir Isor karone. Tai koishe, “aru utu mondir juntu ami bonaishe hobo dangor, kilekoile ami khan laga Isor dangor ase sob isor khan pora”.

Jitya apuni bisare Isor ke, tai pora dibo apuni ke ahram. Aru cholai kene utu homoi ahram laga,a puni bohibo lage theng te Isor laga aru bonabo lage apuni laga atmakarik jibon ke, ekta mondir Pormeshwar laga. Manibi upwas, prathana koribi nirantar aru pabi uphar khan ke Pobitro Atma laga; aru koribi Isor laga kaam khan ke pura apuni laga mon di kene. Isor Jisu koishe, “ai kaam koribo lage kaam khan ke Tai laga jun pothaishe ami ke jitya din ase; aru rati ahi ase jitya kunbi kaam koribo naparibo kaam” (John 9:4).

Aji  dorja khan khula ase Susmachar karone; dorja khan anugrah laga swagat korii ase apuni ke; aru Isor pora dishe apuni ke ahram. Pobitro kotha te koi, “mukti kori lobi homoi ke, kilekoile din khan ase biya” (Ephesians 5:16). Apuni  bi bisaribo lage Isor ke pura apuni laga mon di kene aru iki homoi  te, apuni kaam koribo lage Isor kaorne pura apuni laga tagot di kene morom te Isor laga.

Bishi isai manu khan , kuchis kore bisaribole Isor ke khali jitya tai khan jai mushkil homoi te tai khan laga jibon te. Jitya tai khan harai tai khan laga shanty aru ahram ke,a ru tai khan laga dukh te tai khan hude bishi sawal khan ki, ‘ kote jaishe Isor?, ‘kile Tai ami laga prathana hunanai?’ ‘ki Isor ami ke pahorishe?’ isor laga bacha khan, judi apuni khan Tai laga putro aru putrid ase, apuni khan bohibo lage Tai laga thneg te; sabo lage Tai laga chehra te;a ru anondo hobo lage Tai laga maujudgi te.

Aji dhyan koribole laga pobitro kotha tu hoile Psalm 105:3-4 “hobole dibi mon khan ke tai khan laga jun anondo hobole jun bisare Isor ke! Bisaribi Isor ke aru tai laga tagot ke: bisaribi Tai laga chehra ke hodai din karone!”