Aug 12 – HOUGATLO!

“makhoina mittangba nipa adu kousinduan hai, “ haraojou, hougatlu”. (Mark 10:49).

Bartimaeus na phamlamba amadi tanduna leirabadagi mahakna hougatpa tabani.  Mahakna amotpa uphul maraktagi hougattuna  chaknba toukkadabani. Mahakki mittangbadagi hougatkadabani.

Eikhoigi Prabhuna kouduna asumna hairi, “ icha, nahakki chokthabadagi hougatlo, uphul sing adu kantharo,nahakki nasa tingthoktuna umaibigumna wangna paikhatlu. Wangna hougattuna khudol amadi panggal adu phangjaro. Madu eina nanggi damakta thambikhrabani.

Oktaba machanipa aduna wakhal lakpada, mahakna  hai, ‘ eihak hougattuna ipagi maphamda chatlani, aduga eina haigani, ‘ Ipa, nahakki amadi    swargagi maiyokta pap toure. Aduga eihak nacha koubada matik chajadre.  Nahakki minaising amagumna sembiro. ” (Luke 15:18-19).  Mahakna oksingdagi hougatkadabani. Nungshiheiba Prabhu Jesuda laknaba hougatpa mathou ta.

Prabhu Jesuna mahakki mangkhraba machasingbu thina amadi kanbinaba taibangpanda lakpani. Ngasisu nahak papki potlum makhada wana hinglibra? Anaba amadi   serap dagi waribra? Prabhuna mahakki makhut tingthoktuna nangonda nungshina hairi, Ipana eingonda piriba adu eingonda lakkani, aduga eingonda lakliba mi khudinmaktu eina tanthokloi. ” (John 6:37).

Thawaida uiduna leiriba singbu hougatnaba Prabhuna kouri.  Sastrana hai, “ tumlibasing nakhoigi hougatlo, asibadagi hougatlo, aduga Christana nakhoigi thakta ngangani.” (Ephesians 5:14).  Samsonna tumbagi maramna mahakki panggal manghankhi. Eutychusna mathakgi ahumsuba kadagi tarakkhibagi maram adu mahakna tumkhibagi oirammi. Maichou Jonah adu mahakna tumkhibadagi hougatlaga haijanaba misingna houdokpikhi.  Makhoi adu gentilesing oirammi. Maichou Elijah adusu tumlubadagi dut amana houdoktuna chak chaduna pangal hanjinnaba haibirammi.

Prabhuna nahakki mapanna achouba thabak tounaba nahakna Mahakka lambi sangna chatminnaba mathou  tabani. Aduna nahakki tumlubadagi hougatlo. Prabhuna mahakki keinabu hougatnaba hai. “ hougatlo, eigi nungshibi, eigi phajabi,aduga laklo. Maramdi yengu, ingthamtha houkhre,nongsu lepkhre. Heiyit panbina mahei yankhre,aduga drakha manam nungshina palle. Hougatlo, eigi nungshibi, aduga laklo.!” (Song of Solomon 2:10-11, 13).

Iswargi machasing,Prabhugi numit asi hiram kayada mapham khudingda uba phangle. Maichousinggi wasing adusu loinamak thunggadoure. Matik mangal gi Prabhu adu unaba eikhoi loinamak chatkadra?

Dhyan tougadaba: “hougatlo, ngallo, maramdi nahakki mangal lakle! Prabhugi matik mangal adu nahakki nathakta lakle.  ” (Isaiah 60:1).