Aug 11 – NAHARIBOLE!

Luke 22:32 “hoilebi Ami apuni karone prathana korishe; aru jitya apuni Ami te ghure, tagot koribi apuni laga bhai khan ke.”

Hodai din laga jibon te, apuni laga biswas hodai din hi porikha pabo. Satan pora agya lobo judi tai apuni ke atta nishina chali bole. Hoilebi Isor pora koi ke Tai apuni karone prathana korishe, ki apuni laga biswas naharibo lage.

Satan tu icha nai chanibole chamra khan ke. Hoilebi tai apuni ke hi chain bole mon ase, jun hi atta nishina ase. Kilekoile Krista lagajibon apuni te ase, apuni dhan ase ghehu nishina, aru apuni kiman kimti ase Isor laga nazar te.

Jitya ekta chor churi koribole jai, tai iku bi icha nathake kam nathaa laga purana kapra aru bhanga borton khan te, hoilebi chor kuribole kuchis kore sona laga gehna, poisa aru dami kapra khan ke. Itu nishina hi, satan pora sai khali kimti dhan khan ke aru chamra khan ke nahoi.

Apuni kiman bi anmol ase. Apuni laga atma laga mukti, apuni ke chuni loa aru apuni laga hodai din laga jibon Isor pora diya laga khan bishi daam laga ase. Sob lga uporte, apuni laga biswas tu kiman bi daam laga ase. Jitya satan ahe apuni ke porikha lobule, tai apuni pora utu daami biswas ke churi koribole koribo. Utu homoi te hi, kunuba ase jun apuni laga biswas ke rakhibole paribo. Aru itu kun bi nahoi hoilebi Isor Jisu Krista jun hi apuni laga biswas ke likhe. Tai tagot ase apuni ke bachabole aru rakhibole apuni laga biswas ke ses tok. Tai bishi utsuk ase apuni biswas te tagot hoi kene khara kora ke.

Satan pora anishi kiman bishi dukh aru digdar khan chela paul laga uporte. Tai bukh ke bhugibole lage, sorom, apmaan, niche kora, ijaat nadiya, duk aru biya khan. Itu khan iman dukh thakile bi sabi tai laga jitya laga kotha juntu paul pora koi ses, : “ami lorai korishe ekta bhal lorai, ami itu daur ke khotom korishe, ami biswas ke rakhishe”.

Rakhi thakibi apuni latga biswas ke, ji dukhk digdar aru porikha apun laga khilaf te ahile bi. Itu zaroori ase apuni dhuri kene thakibole Isor laga kotha ke, thakibole aru barhibole biswas te. Kinika ekjon biswa pai? Pobitro kotha te koi: “toh biswas ahe huni kene, aru huni kene Isor laga kotha ke” (Romans 10:17. Isor laga bacha khan, ki satan pora kuchis kore apuni ke piche hatbole, ani kene dukh aru porikha apuni laga jibon te, nahoile ane biya khana puni laga rasta te? Dhuri kene thakibi Isor laga kothake. Aru jitya apuni pobitro kotha ke kobo, apuni laga biswas barhibo.

Aji bhabna koribole lag pobitro kotha tu hoile Hebrews 12:1 “itu karone ami khan bi, kilekoile gheri ken ease iman dangor badol pora gawahi laga, ahibi thkibo kina rte sob bhar laga aru paap jun hi asani pora ami khan ke bhoi khilai, aru ahibi polabo dhoyjyo pora itu daur te juntu ami khan laga agete ase.”