Aug 11 – AHRAM PRATIGYA TE!

1 Kings 8:56 “asirbaad hobi Isor ke, jun pra dishe ahram Tai laga amnu khanke Israel te, hisab te sob khan ke ki Tai pratigya diya te.”

“hoilebi itya isor ami laga Prabhu pora dishe ahram ami ke sob phine; tate iku dushman nai na biya ghatna” (1 Kings 5:4). Itu ase gawhi Raja David laga itya tai dishe Rjyo ke Israel laga Tai laga putro Solomon ke.

Isor pora hatai dibo sob dushman khan ke jun biya kore apuni laga shanty aru ahram ke. Tai Nijor hi hobo prothom dushman apuni laga sob dushman khan laga aru dibo apuni ke shanty. Itu karone, pabi ahram ke.

“khushi ase apuni, o Israel! Jun ase apuni nishina, ekta manu bachai diya Isor pora, kawach apuni laga modot laga aru tarwal apuni laga rajasi! Apuni laga d ushman khan dibo apuni ke, aru apuni bisari lobo tai khan laga uncha jaga khan ke” (Deuteronomy 33:29).

Jitya ekta manu ke gherav kore dushman khan pora, tai kitya bi shanty te hobo napare, kilekoile tai nirnatar chinta kore ghatna hobole sambhav na aru chal khan dushman laga.

Uddharan hisab te, ki apuni sob batti khan bujhai kene ghumabole pare hodai laga homoi te rati te judi apuni laga putro ghor pongchanai koile bi? Ki apuni iku chinta nathakibo paribo aru ahram ora ghumabole paribo? Apuni chinta thakibo aru utsuk ki tai kote jaishe pre koi kene,a ru ki hoishe pare tai ke. Aru apuni laga shanty ke biya kori dibo.

Canaan laga mati te, tate satta desh khan thakishe aru ektista raja jun khan dushman thakishe Israel laga bacha khan laga. Aru Israel laga manu khan iku shanty thakanai nahoilebi ahram jitya tok tai khan jiti loanai sob khan ke. Din khan te Joshua laga, taikhan lorai korishe tai khan laga judho ke aru paishe shanty. Aru din khan te judges lagatai khan ghusishe ahram te.

Itu nishina hi, challis lamba saal karone, david lorai korishe tai laga dushman khan logote, jitishe tai khan uporte aru loi jaishe Israel manu khanke shanty te. Aru kilekoile  itu karone hi tate thakishe ahram sob phine pora iku judho nathaki kene, challis saal nimite Solomon  rajyo kora homoi te. Aru khali utu din khan te, mondir Jerusalem laga bonaishe.a ru Jerusalem bonishe ekta surakshit nagar.

Ahram ahishe kilkoile Isor laga pratigya nimite. Pobitro kothate koi, “thakibi ekta lora jonom hobo apuni ke, jun hobo manu ahram laga; aru Ami dibo tai ke ahram sob dushman khan pora sob  phine  pora. Tai laga naam hobo Solomon , kilekoile Ami dibo shanty aru chuppi Israel ke utu dinkhan te” (1 Chronicles 22:9). Isor laga bacha khan , kilekoile Isor pora lorai korishe judho ke apuni laga phine hoi kene calvary te, apuni bi ghusibo lage utu ahram te juntu Tai di ase apuni ke.

Aji dhyan koribole laga pobitro ktoha tu hoile 2 Chronicles 14:6) “aru ati bonaishe surakshit nagar Judah te, ekta mati ahram koribole; tai thakanai iku judho utu saal khan te, kilekoile Isor pora dishe tai ke ahram”