Aug 10 – VYARIYUTHI ARAAM

Geder grandh 110:1 Prabhu Mar Prabhuna dekan-  ma thar vyariyuna thar pager peeta karujethanu thu Mar jaman pakthima bhes Kan ko.

Ma thar araamen gamanakejako vyariyuna thar pager peetar heta lavuchu Kan kerocha. Lapan thar thuj araam cheniju karlerochika.

Romavalun 5:10 vachanema Athraj koni apan Devena vyarivethejana, vor betar mothethi Dever sath raajivematho raaji vemajerpacha, apan vor jaanethi rakshan payero ghano saasij Kan dekacha. Colossivalun 1:21-22 aanga paraleran, Mando Kamethi dallema vyari vethejako thamena, pavithareran, Bana dosheran, Bana sikshar nai vor aanga thamaldena, vor jeevadama vu payojako mothethi Abba raaji kidocha. Tham samalejako aach khabarethi vajako bharosena chodan,haleniju viswasema ghat thaman, Terran ratho hannuj vejaye Kan Aposthal Paul kerocha.  Katho apaner sonth budhithi yee loker assama padjathanu papethi apaner apanaj vyari vejathanu araamen gamalen rejamatho apanenaj samadhan maleni.  Vuj apanen Dever vyari vejavaju karnakacha.

Lapan Prabhu Yesu yesejini nadekaju vor calvary siluvama redojako loyeethi dhonaken pavithar karnakocha. Yee Prabhu Yesu araamenan shanthin desaru apaner dosthiven renu Kan apaner ladayina thodevaler nai, ajji nevu karevalo Nayak vegocha. Jethij Yohan 14:23 vachanema Vona Yesu- yeklo manna prem karatho vu Mar vathen maanacha jethi Mar Bap vona prem kacha, ham vor Dai aan vassacha Kan kerocha.

Yek manikya papethi rakshan payero vu agediyar khabar ajjek vu manikya Pavithar Athmar abhishekam palen Athmama aanand payero deemo khabar vatho vuj manikya Prabhur sayaama badlajayeroj theenmo khabar vencha Kan dekacha.

1 Thessalonika 5:23 samadhaner Devaj thamen puro pavithar kariye,  thamar Athma,jaan, jeevada puro apaner Prabhu Yesu Christhu avajana dosh cheniju jathanethi reda.

Ajji jada dhyan karen pado  Yeshaya 14:3,7