Aug 10 – Jisun Tanangan Tanangle!

“Bar Jisun tanangan tanangle, Anin af d’onga gudingba, gamle opungetenji” (Mark 10:49).

Manaridan a mandrengn abhanaben abmele bibolan gadlamlangten,agamten abernan manaridan sadle, buteja Gamangtungan a d’ong gijle adraptie

Kristumaranji abmele manaridan jznjzn murdadam. Manaridanna batte mandran a d’ong abtangorte do gamangtungan a d’ong gijle raptite. Bibolan gamte: “Marid uggar maranji man’oihdam.

Iten asan gamlenden aninji Kitungan a d’ong gijteji. Bogad buteja rajan a sidrung-lingan maidamten, bo bigarda ganijtan batte gijtate. Bogad amben bo surda offici-lingan agante.

Amben bo bangsa ganijtan batte agijtaben dete. Kun ambrij, Kitungan a tanurdun-lingan janang boi boi kalkaldam ahangben, manaridan adakulenden, Bogad amben agalambendete.

Kitungan agijben abmele’, amben barijloge a kznolben dete Kitungan abadlohim-maranji abmele. Papwr anosaijan do tabme anosaij-lingan. Agalamte badlohimmaranji Kitungan batte ahalenanjin ate. “Enok Kitungan ampara gorodlen a tiki anin ganittan addead, iten asan gamlenden.

Kitungan Enok a d’ong am’eng-d’ongan urungeten. “Noan Kitungan batte gorodle, “Abraam a d’ong Kitungan a gardin gamle ganudingan dele, “Gamangtungan Mojes batte armukka mukka arberleji.

Mandrengnaben ja Kitungan a d’ong agijben do Anin batte ahanaben dete. Amben Kitungan a d’ong gijle (Aparamangtan 19:16).

Adraptie taniytaiyanji do bo baran batte. Delenden gijle adraptite pwrardan Kristu abmele hangleden.

Orde dile dina Kitungan abmele baran lumlenden. Amben gijle araptite Kitungan a d’ong, sattang Marid mandrengna batte. Daudo saile Kitungan a d’ong agijben abmele. Anin idolle, “E Kitung, Aman na Kitung-hen do hen d’ong-Nam umeng sanilsaijtam. D’an ahadlen asarsol desa lingan pwrarda-hen.

Aman apsele anargalan daku do jelu-d’ong-hen Aman apsele malitsumdate”. Gijban jaru anitsuman batte Daudo gijle Kitungan a d’ong, kun atena amandrengna abmele sanaisaidam dakule dete. Manaridan a mandrengna abmele

Kitungan a d’ong agijben itsumte, dile tagaddaban, Gamangtungan, Gamangtung-hen a d’ong gameten, Hen j’eng-Nam apsele bo haradwbperdan ambrij, asanggem mar-Namji endrang dakkuai sikkoi ja, Aman jandrumsi-Hen goba.

Bindo aninji kan ambrij amandrengnanji asuidam abmele. Bindo amben ajale Kitungan Jisun Kristun a d’ong. Tanahimdam Kitungan a onanji, Marid Bibolan d’onglen abtangorte. Anangten Anin mandrengnaben atarangdi!

Okiy Kinolbe absele: “Roitad maran a j’on bo mandrengna neban, bar ayengan a mandra bzgarda pwrardanji a d’ong labamte anin banuddidam” (Bangsa Hanang 11:30).