Aug 10 – AHRAM DUSHMAN PORA!

Psalm 110:1 “Isor koishe ami laga Isor ke, “bohibi ami laga dahina hath te, jitya tok Ami bonabo Apuni laga dushman ke Apuni laga theng te”.

Isor icha kore bonabole apuni laga dushman ke – jun khan biya kore apuni laga ahram ke, apuni laga theng rakha jag ate. Hoilebi apuni khan dhyan di kene sabo lage ki nijor hi biya kori di ase naki apuni laga ahram ke.

Romans 5:10, chela Paul koi homoi laga kotha ke ‘jitya ami khan dushman thakishe’. Tate ekta homoi thakishe, jitya ami khan khara korishe satan logote; jaishe bisari kene icha khan ke prithibi laga; aru thakishe dur Isor laga morom pora aru thakishe ekta dushman hoi kene Isor laga anugrah laga.a ru ami khan pura harishe ami khan laga shanty ke.

Pobitro kotha te  koi, “aru apuni jun ekbar alag hoishe aru dushman khan aru dushman khan apuni laga mon te biya kaam pora, hoilebi itya Tai milishe gau te Tai laga gau te mora pora, dibole apuni ke pobitro aru dagi nathaka,a ru uporte sob pora Tai man ate” (Colossians 1:21-22).

Ami khan thakishe ekta dushman nishina thakishe Isor laga mn te. Inika dushmani ahishe kilekoile manu pora dishe paap ke tai laga jibon.

Hoilebi Isor sanai ami khan ke ekta dushman nishina; Tai khali saishe ami khan ke Tai laga nijor sathi nishina, bhai nishina aru bacha khan nishina. Tai dhurishe ami khan ke morom pora aru bachai she ami khan ke Tai laga kimti khun pora juntu Tai phelaishe Calvary te.

Aru ekbaar Tai bachaishe amikhan ke, Tai nijor hi bonishe dushman ami khan laga dushman laga. Tai bonishe ami khan laga adhivakta; aru loraishe korishe ami khan laga judho ke. Tai dishe ami khan laga dushman khan kea mi khan laga theng nimite,a ru bonaishe tai khan kea mi khan theng rakha jaga.a ru inika hi dishe shanty ke aru ahram kea mi khan laga  jibon  te.

Itu podh te aji laga, itu ‘theng rakha jaga Isor laga’ ase jaga ahram laga. Isor Jisu koishe: “judi kunuba morom kore Ami ke, tai pora rakhibo Ami laga kotha;  aru Ami laga Baba pora morom koribo tai ke, aru Ami khan ahibo tai te aru bonabo Ami khan laga ghor Tai logote” (John 14:23).

Ekta manu bachi ja tai laga paap khan pora aru ghusa Isor laga ahram te poila kadam te. Abhishek kora Pobitro Atma laga aru anondo kora Atma te ase dusra kadam. Aru itu hi loi jai bodli hobole chavi te aru niom te Isor laga tisra kadam te.

Pobitro kotha te koi, “itya hobole dibi Isor laga shanty Nijor hi sapha koribole apuni ke pura; aru hobole dibi apuni laga pura atma, mon,a rug au bachi kene thakibole aha te Isor Jisu Krista laga” (1 Thessalonians 5:23).

Aji dhyan koribole laga pobitro kotha tu hoile Isaiah 14:;3,7 “itu ahibo paar hoi kene din te ki Isor pora dibo apuni ke ahram apuni laga dukh pora, aru apuni laga bhnoi aru dukh bhar jote apuni ke bonaishe seva koribole, pura prithibi ase ahram te aru chup hoi kene; tai khan bhange gana ga te”.