Aug 08 – SOB ARU BISHI!

“Titya Bishi chetavni dishe tai ke thakibole chup; hoilebi tai kandishe aru bishi, ‘Lora David laga, thakibi Daya ami uporte!’”(Mark 10:48)

Bartimaeus mon bhorta hoa nai badha khan logote juntu khilaf te thakishe tai laga. Tai nirakha honai na harishe tai laga biswas ke. Tai thik faisla loishe ki tai pabo drishti ke utu din te, jitya Isor Jisu ahibo usorte tai laga.

Biswas thakishe dangor tagot tai ke agh barhibole. Itu biswas hi ase ji Ane chamatkar khan ke. Itu ase prathana hi biswas laga juntu khule dorja ke swarg laga. Itu na mumkin ase Khushi koribole Isor ke nathaki kene biswas. Jisu koishe biswas ke Centurion laga inika, “hosa te, ami koi apuni ke, ami Panai inika dangor biswas ke, israel te bi!” (Matthew 8:10).

Apuni koi hobdo khan ke Isor laga biswas pora. Kobi Teon laga pratigya khan ke. Isor Jisu koishe, “thakibu biswas Isor te. Kintu hosa te, ami koi apuni ke, Jun bi koi itu pahar ke, “hati jabi aru dhalilobi hagor te”, aru shankha nakore, hoilebi biswas kore ki utu saman khan hoi jabo, tai thakibo ji tai koile bi” (Mark 11:22-23).

Pobitro kotha te koi, “ji saman khan apuni mange jitya apuni prathana kore, biswas koribi ki apuni paishe itu khan ke, apuni thakibo itu khan ke”. (Mark 11:24). Hoi, biswas bhangabo sob badha khan ke aru bonabo sob chamatkar khan ke apuni laga jibon te.

Biswasi khan kitya bi nacharibi judibi apuni laga prathana jawab panai. Tai khan prathana koru thake biswas te ki Isor pora dibo tai khan Jun bisare Teon ke.

Itu inika biswas logote hi ki ekta vidva jaishe anyay nyayadhish logote aru nirantar anurodh korishe Daya nimite; aru tai thakishe Daya Tai laga uporte aru dishe tai ke nyay. Ami khan laga Isor ahnyay nahoi. Hoilebi Teon ase moromial aru dayalu. Teon hosabi jawab dibo jitya amikhan prathana kore nirantar.

Jinika Bartimaeus, Canaanite maiki bi nirantar anurodh korishe Isor Jisu ke. Isor Khali gawahi Diya nahoi tai laga, hoilebi korishe chamatkar aru changai korishe itu chukri ki. Tai hosabi koribo achurit chamatkar apuni laga jibon te bi

Ami khan itu bi porhe ekta sathi laga Jun mange ruti adha rati te. Judibi tai mana korishe shuru te, tai pichete manusher tai sathi laga kotha ke aru dishe tai ke ruti ji tai mangi thakishe

Bacha khan Isor laga, Isor hosabi dibi ki apuni mangi ase jitya apuni prathana kore biswas te, haar namani kene .

Aji dhyan koribole laga Pobitro kotha tu hoile Hebrews 10:36 “kintu apuninke dorkar ase bhugibole, ki pichete apuni kora te icha Isor laga, apuni pabo pratigya ke” .